Sey roşanî no roşan de zî keyeyê şehîdan vera xo dayî goristanan û mezelanê şehîdan zîyaret kerdî. Keyeyî çar parçeyê Kurdistanî de arefe û roja roşanî şîyî zîyaretê merdimanê xo û înan vîr ardî. Vakurê Kurdistanî de HDPyî Îzmîr, Amed û Şirnexî de goristanan zîyaret kerdî. Namzedê HDPyî zî tede xeylê kesî beşdarê zîyaretî bîyî. Rojawanê Kurdistanî de xeylê cayan de cinî, camêrd û domanan goristanan de cayê xo girewtî. Başûrê Kurdistanî de zî sere de Kerkûk û Silêmanî û xeylê cayanê bînan de goristanî ameyî zîyaretkerdiş.
MERKEZÊ XEBERAN