Netîceyê îxanetî tepişîya
Wexto ke Şêx Seîd û embazê ci aliqnay bi mesafeyê 500 mîtro de verba Orduevî de Lojmanê Leventî mîyanî de Bexçeyê Gazînoya Astsubayan de defin kerdê û bi goreyê vatîşan ser cayo ke defin kerdî zî yew dara tuwêrî ronayê. Şêx Seîd û embazanê ci 13’ê Sibate de 1925 serehewanayîş day destpa kerdiş û no serehewanayîş heme cayan ra hera bi. Bado zî bi netîceyê yew îxanetî de Şêx Seîd nezdîyê pirda Carpuh de 15’ê Nîsane 1925 de tepişîya û no heman demî de peynîya serehewanayîşî bi. Şêx Seîdî ra pîya sewbîna mintiqayan ra 47 kesî tepîşîyay û ardî Amed.
47 darê aliqnayişî ronay
27 Hezîrane 1925 de 47 şorişgerê kurdan darda kerdî. 47 darê aliqnayîşî ronay û seba temaşekerdişê aliqnayîşî ra raşte de yew tirubîn viraştbîy.
Yeno îdiakerdiş ke yew mêrdim verê gazîno de memûro sîvîl bi û nika teqavît biyo vat; gama ke subayan xo mîyanî de qalî kerde min zî înan goşdarna înan xo mîyan de vatê: “Cayê mezeleyê Şêx Seîdî ewta de yo.” Wexto ke subay na dare tuwêrî ra vîyartênê, fatîha vendî. Hema zî nê dare tuwêrî estê.
NAVENDÊ XEBERAN