Hemserekê Pêroyî yê HDPyî yo kehen Selahattîn Demîrtaş ke 4ê teşrîna peyêna 2016î ra nata yo ke zîndan de yo, seba ke ‘Heqê ewleyî û azadîye’, ‘heqê wextêko maqul de mehkemekerdiş û serbestverdayîş’ û ‘heqê bi hawayo serbest weçînîyayîş’ ameyî îxlalkerdene, muracatê Mehkemeya Heqanê Merdiman ya Ewropa (MHME) kerdbî.
MHMEye derheqê Demîrtaşî de qerarêk da û dîyar kerd ke ganî Demîrtaş serbest bêro veradayane û Tirkîya do 10 hezar Euro madî û 15 hezar Euro zî heqê mehkemekerdişî bido. Hemserekê Pêroyî yê HDPyî Sezaî Temellîyî zî babete ser o va ‘Ganî goreyê qerarê MHME hereket bikerî û Demîrtaş zî tede, heme embazê ma serbest bêrî veradayane’.
AMED