Zangehê Çewlîgî ra zî Doç. Dr. Eda Erdener îmze eştbî danezanî û dozgerîya Çewligî bi îdiaya ‘kerdişê propagandayê’ cipersayîş akerd û 2 saet îfadeya ay girewt.
Mi hetê aşitî de ca girewt
Doç. Dr. Eda Erdener ser babet qisey kerd û ard ziwan ke, ay semedê-seba ke aştî het de cagirewtiş îmze eşt vilawekî û vist vîrî ke “Semedê ke, vera herbî nêrazîbiyen damusnayiş, Kurdbiyayîş şert nîyo. Erdener va “Mi zey welatija Tirkî hetê aştîye de cayê xo girewt û zîhnîyetê lejwaştî ra zî hêrsê xo damusna yo. Serrê ’90’î serva îmkanê merdimî kêm bî, no ser şansê merdimî estbî vajo; ‘mi nêdîyo, nêaşnawito û nêzana’, la ewro her çik verê çimanê ma de yeno cuyayîş, nayî ra mi nêeşkîyaynî bêveng bimana. Destê mi ra tenya no çalakî ameynî, ez no sûcî ra vertax nêbîya. Ez wazena hewna muzakereyan ra bêro agêrayîş.” Semedê danezanê akademîsyenan her ke şino desteg beno gird.
JINHA/ÇEWLIG