Komîteya Huner û Kultirî yê Mintiqaya Cizreyî, seba Mihemed Şêxoyî merasîmêk organîze kerd, merasim Merkezê Huner û Kultirê Mihemed Şêxoyî de ame viraştiş. Merasîmî ra zaf hûmarî de heskerdoxê hunermendî, malbatê ey, nuştox û hunermend beşdar bîyê.
Nameyê raştîn ê Mihemed Şêxo, Mihemed Salîh Şêxmus Ehmed o. Sey ‘Pîyê Felekî’ yeno şinasnayiş. Serra 1948î dewa Xecukê Qamişloyî de maya xo ra bîyo. Rewşa malbatê xo yê madî ser o fek wendegehî ra verada. Rîyê şerê Surîye û Îsraîlî ser o nêçare perwerdeyê xo ra maben da û seba malbatê xo ra hetkarî şuxilya. Çar parçeyê Kurdistanî de deyrê Mihemed Şêxoyî dejê şarê Kurd ra bîyê sey derman.
Şêxo 4 serrê Beyrut de cuya kerd û bi hunermedê ereb sey Fêroz, Waîi Safî Û Semîre Tewfîq xebat kerd. Şêxo Radyaya Bexdeyî de zî deyranê xo ard ziwan û Bexdeyî de zî hunermendê Kurd sey Tehsîn Taha, Mihemed Arêf Cizîrî û Isa Berwarî reyde deyran xo vat.
Şêxo seba ke Kurdî vatinê, no ser rejîmê Baasî ey xo ra sey hedef girewt û her tim teda kerd. Saîd Ferso seba Şêxo vano ke çew serrê 90î de nêeşkîyaynî Kurdî qise biko, Şêxo deyrê bi Kurdî vatinê. Şêxo tena waştinê vengê şarê xo bibo.
Hîsê netewî ard ziwan
Şêxo vera zilmê Dewleta Îraqî beşdarê refê Pêşmergeyan bî û Şêxo peynî bajarê Mahabadî yê Kurdistanê Rojhelatî ra vîyart û ewta de albüme xo bi nameyê ‘Ey Felek’ vet. Hîsê netewî bi deyranê xo ard ziwan. No ser rejîmê Îranî ey surgunê Azerbaycanî kerd.
Şêxo kênaya Fermandarê Pêşmergeyî ke Nîsrîn reyde zewejyeno, serra 1983î de zî agêreno Rojawanî û ewta de zî gruba muzîkî xo roneno. Şêxo êdî pêroyina Kurdistanî de yeno şinasnayiş. Hewna Saîd Ferso, seba Şêxo ano ziwan ke Şêxo makamê sey Şîr Arban, Acem û Nîhavent qezencê muzîkê Kurdî kerd. Şêxo sembolê dejê şarêkî bî. Şêxo seba Mazlum Doganî deyrê ‘Azade Şîrîn’ û ‘Ay Lê Gulê’ ard ziwan. Emrê xo Şêxo, hepisxaneyê rejîmê Sûrîyeye de vîyart û peynî zî cuya xo da.
ANHA/QAMIŞLO