Vizêr dûştê çeteyanê DAIŞ ke taxa El Sirib de teng bî hemleya peynî virazîya. Hemle 2 qor û 3 cepheyan ra amê destpa kerden û sifte 600 sivîlî, peycoy zî 2 hezar û 500 sivîlî destê çeteyan ra amey xelesnayen. Bi nayî pêrokîn sûk çeteyan ra amê xelesnayen û şarê Minbic resîya azadîya xo. Sûk de gureyînê pakkerdişê mayin û daman ramenê.
Bi na serkewtiş rihê Fermandar Ebû Leyla şa bi û xeyalê ci amey ca . Ebû Leyla ke hemle rê fermandarîn kerd 3ê Hezîran de dirbetin bi û 5ê Hezîran de zî weşîya xo kerd vinî.
Hemleya Xelesnayiş ser vengdayişê şarê Minbic 1ê Hezîran de bi damûstayîna Bendawê Tişrîn ra 2 qol û 3 cepheyan ra destpa kerd. Minbic serva çeteyanê DAİŞ cayekê stratejîk bi. Çeteyê ke Tirkîye ra şî Awrûpa û Awrûpa ra peyser ageyray Minbic de are bî.
Xelesnayişê Minbic serva pêresnayişê Kantonanê xoser yê kurd şêmigekê muhîm bi û no şêmig ame ravêrnayen.
ANHA/MINBIC