Yaman dîyar kerd ke nika bunyeyê taximê înan de di taxim têkoşîn danî û wina vat: “Kurdistan Welatspor di binê xo de bi serrana ke ciwanê kurd resnena, bi no taybetîyê xo zî taxima kurdistanayijan a. Nika di taximê ma de 35 ciwanê est î. Ronayoxê ma tay kesî di refê Tevgera Azad de şehît kewtî. Ma zî hetanê nika bi vîrê nê kesan têkoşîna xo day. Ma maçan ra taybetî seba şermezarkerdişê terteleyê Kurdistanî ser bi bantê sîya vejîyenî.”
Yaman destnîşan kerd ke di binê taximê de nika 3 futbolbazanê afrîkayijê têkoşîn danî û wina domna: “Ma tena futbolî nêşopnenî, ma heme averşîyîşê Kurdistanî zî şopnenî û hetta ganî bikero se ma çalakîyan virazenî. Antrenorê taximê ma Mehmet Karakuş o. Ez zî yew dem futbol kaykerda û ma di kupaya Hamburge de hetanê fînale vejîyayî. Armancê ma sereke ciwanê kurd, polîtîkayê leymin ra dûr vistişo.”
M. ZAÎT EKÎNCÎ / HAMBURG