Derbekaran waştî ke no zîndan de xoverdayîşê azadîya kurd bi îşkence û hêrişan têk bibî.Dijî nê hêrişan 14’ê Temmuze de PKKij M. Hayrî Durmuş, Kemal Pîr, Alî Çîçek û Akîf Yilmaz bi veşnayîşê laşê xo xoverdayîşêko newe dayî destpêkerdiş. Xoverdayîşê 14’ê Temmuze ser o Abdullah Kanat û Mevlude Acar qise kerdî.
Zey wehşetê Amerîka
Abdullah Kanat serra 1979’î Amed de ame tepitiş û 28,5 serrî zîndanî de rakewt. Kanat aşkera kerd ke heqê Zîndanê Amedî de zaf hûmarî de miqale û filman ameyî antiş û wina vat: “Çiqas fîlm zî bêro antiş zî merdim nêeşkeno no wehşete bido famdayîş. Derbeya 12’ê Êlule netîceyê polîtîkaya Rojhîlatê Mîyanênî yê Amerîka de ame viraştiş. Tirkîya ra zî rolêk ame dayîş û bi rayberîya Kenan Evrenî derbe ame viraştiş. Armancê na derbe xoverdayîşê xelisyayîşê neteweyî û muxalefetê çepî yê Tirkîya têkberdiş bî.”
Heme şopê ci vindertînî
Mevlude Acar zî serra 1984’î de Zîndanê Tîpa E yê Amedî de mend û rojê wehşetî Acar wina ard ziwan: “Demo ke min kewt zîndanî, heme şopê îşkenceyan vindertînî. Newe newe dozan ameynî muhakemekerdiş. PKKijî xoverdayîşê 14’ê Temmuze ra, dadgeh de dest pê kerdî. Çi heyf ke zîhnîyetê şerî zîndan de nê îşkenceyan da cuyayîş. 14’ê Temmuze seba şarê kurd hewn ra warziş bî. Zîndan de xoverdayîşêk ame kerdiş, yew dem ame nimitiş labelê peynî komelî ame vilakerdiş. Peynî zî her kes dijî îşkencekaran tavirê xo nîşan da. Hişmendîya xelisnayîşî awan bî û no zî yew tevgerê rayberî bî.”
DÎHA/ENQERA