“Arîn mîyanê nêy şerî de sey finaka xoverdayîşê vejyay aver. Bi no xoverdayiş û şehadetî ra dima şar zî bi wayîrvejyayîşê xo mojna ke bi hezaran cenîyê ke wayîrê zerîya Arîne estî. Ma eyro veynenî ke may û pîyê kurdan nameyê tutanê xo Arîn ronenî. No semedî ra nameyê Arîne bî bêmerg. Raşt o Arîn şî, labelê bî hezaran Arîn agêray.”
Arîn Mîrkan azadî ya
Endama Dîplomasîye ya KJAye Ayşe Gokkan zî bal ant ser xoverdayîşê Arîne û azadî sero û wina vat: “Arîn Mîrkan heman demî de yena manaya azadîya Girê Sipîye zî. Arîn Mîrkan Kobanê ya. Arîn bi parçekerdişê laşê xo, ruh û fikrê xo azad kerdî. Arîn Mîrkan hende wayîrê manaye ya ke, tarîfkerdiş xeylê zehmet o. Xeylê rayvistişê dinyaye Arîn Mîrkane sey xovrdayîşî dî û rayîrê ya semedê xo sey harîtaye dîyar kerdî. Hêzê zîhnîyeto mêrde Kobanê de ame şiknayîş.”
JINHA/AMED