Kesê ke erd û warê xo ra mecburê koçî bîyî, yew bi yewe agêrenî erdê xo ser û bi kerrayan warê xo newe ra awan kenî. Înan ra yewe zî keyeyê cinîya bi nameyê Nizha Hisêne (32) ke wayîrê 8 domanan a.
Keyeyê Hisêne taxa Eşrefîye ya Helebî de cuyenî. Hisêne û domanê xo rewşa şer û kerdişanê komê çeteyan ver mecbur mendbî ke koç bikerî. Keyeyê Hisêne koçberî ra dima ameyî taxa Şêxmeqsûdî ya Helebî û topanê çeteyan ver keyeyêko binê erdî de bica bîyî. Wexto ke şervanê YPG/YPJyî taxa Eşrefîye çeteyan ra azade kerdî, keyeyê Hisêne zî bi dormeyê xo agêrayî taxe û mîyanê kerra û erdo talankerde de, cuyêka newe awan kenî.
Nizha Hisêne ard zon ke ê hewl danî ke erdê xo ser de cuyêka newe awan bikerî. Hisêne veng daye heme kesan ke wa biagêrî tax û erdê xo ser.
HELEB