Peynîname de vajîya ke tespîtkerdiş meseleyanê Rojhelatê Mîyanî û pêşnîyazê çarekerdişî de tehlîl û perspektîfê çareserî yê Rayverê Şarê Kurd Abdullah Ocalanî zey vîzyonî bîyê. Herzewbîn vajîya ke konferansî de netîceyê qiseyan de meseleyê sifteyîn yê Rojhelatê Mîyanî zey ‘îxtidarperwerî, nîjadperwerî, mezhebcitî, meseleyê cenîyan û dogmatîzm’ amey tespîtkerden. Peynîname de vajîya ke Rojhelatê Mîyanî açarnîyayo mekanê Herbê 3. yê Dinya û sîstemê ‘Konfederalîzmê Demokratîk’ zey modelê heqîqî yê çareserî ame vernîyazkerden.
Qerarê konferansî
Tayî qerarê ke konferansî de amey giroten wina yê:
* Tecrîdê Îmrali ganî desinde wedarîyo, serva haştî û demokrasî serbestîya birêz Abdûllah Ocalanî şert o.
* Serva aştî û îstiqrarê Rojhelatê Mîyanî çareserîyê Netewa Demokratîk vînenime,
* Serva çarekerdişê qrîzê sîyasî û civakî yê Rojhelatê Mîyanî tekoşînê azadîyê cenîyan tekoşînê esasî yo
* Serva roşnîkerdişê mezgê ke bîyê tarî û azadîya ci şoreşê zihnî hewcedarîyê esasî yê Rojhelatê Mîyanî yo
* Konferansê ma bawerîyê weşîya têdûşt hu azad yê pêrokîn bawerîyan keno û hewcedarîyê raveyberdişê ci vîneno
* Konferansê ma Şoreşê Rojawa ke tecrûbeyê esasî yê demokrasî û azadîyan o serva pêrokîn Rojhelatê Mîyanî zey alternatîfê çarekerdişî qebûl keno.
* Konferansê ma pêrokîn rejîmanê sîyasî yê monarşîk, teokratîk, derbekar, despotîk û dîktatorîn red keno, sîyaseta demokratîk esas gêno.
* Konferansê ma tespît kerd ke modelê Konfederalîzmê Demokratîk serva pêrokîn herem wayrê muhîmîya heyatî yo.
Qerarê pratîkî
Konferansî de qerarê pratîkî zî amey giroten û peynîname de amey weşînayen:
* Konferansê ma tehdît û êrişê ke dewleta tirk ke ser birêz Abdullah Ocalanî de ferz kena zey êrişê dûştê pêrokîn şaran qebûl kena. Nayî ra pêşnîyaz keme ke jew heyeto ke temsîlanê şaranê Rojhelatê Mîyanî ra ronîyo şiro Îmrali û pêdîyayin virazo.
* Dûştê polîtîkayanê şantaj û tehdîdê verra Ocalanî veng danime Jûbîyena Awrûpa, Mîletê Jûbîyayî û sazgehanê mavênnetewî ke bikerê hereket û tehdîdanê ser Ocalanî berteref bikerê.
* Veng danime hikûmeta tirk ke bi Ocalanî muzakereyê çarekerdişî destpa bikerê û çarçoveyê mutabeqata Dolmabahçe de demê çarekerdiş reyna bigîrê rojdema xo.
* Her ser Rojhelatê Mîyanî de çarçoveyê pêşnîyazê çarekerdişî yê Abdullah Ocalanî viraştişê konferansî, Konferansê 2. Rojawa de virazîyo.
* Ser nameyê şaranê Rojhelatê Mîyanî serva ke Mîletê Jûbîyayî ra qerarê çarekerdişê demokratîk yê meseleya kurd û waştişê serbestîya Ocalanî bivejyo gureyînî bîrê ramiten.
* Çarçoveyê tez û fikranê azadîya cenîyan yê Abdullah Ocalanî de viraştişê Konferansê Cenîyan yê Rojhelatê Mîyanî
* Serva ke dawaya hiqûq yê Abdullah Ocalanî bikirêşîyo Dîvanê Edalet yê Lahey ramitişê gureyînan.
* Rîwalê çarekerdişê demokratîk yê meseleya Kurd serva ke PKK lîsteyê teror yê Jûbîyena Awrûpa û Dewletê Jûbîyayî yê Amerîqa ra bîro veten qerar ame giroten.
ANF/SILÊMANÎ