Musabeqaya Şîîre û Hîkayeyan ya Huseyîn Çelebîyî ya 27. paytextê Fransa Parîs de ameye viraştene. Musabeqa bi rêzgirewtişî dest pêkerde. Dima ra ser nameyê YXK/JXKyî Zade Şengale qisey kerde.
Pîyê Huseyîn Çelebîyî program de qisey kerd û dîyar kerd ke ey sozêk dayo û heta ke Kurdîstan azad nêbo o do nêmiro. Vervatoxê Jurîyî Kakşar Oremarî bale ante dagîrkerîya dewleta Tirkî ya vera Rojawanî de ser û wina va: “Erdogan do heta 2023î de îqtîdar nêbo. Ma do bivînê. Erdogan yewîye û felsefeya ma ra terseno. Kurdan Rojawan de ronesans viraşt. Sûrîye de 500 hezar merdimî merdî. Mîyanê înan de bi hezaran şehîdê ma estê û ma heqê înan zî girewt.”
Hemserekê PYDyî Şahoz Hesenî da zanayene ke ê Sûrîye de seba cuyêka demokratîke têkoşîn danê û wina va: “Na bingehê xo zî felsefeya Rayber Abdullah Ocalanî ra gêna. Ma Rojawan de rayberîya sîstemêko gird kerde û êyê ke vera naye de yê, bi pêroyê hêzê xo hêrişê înan kenê. Azadîya şarê ma kenê hedef. Ma şerêk kerd û sîstemêk naye ro. Ma do dewamê ci zî bivînê.”
Xelatî dîyayî wayîranê ci
Qiseykerdişan ra dima xelatî dîyayî. Beşê şîîra Tirkî de Burhan Guneş, Ozan Alpkaya, Senar Abdî, beşê şîîra Kurmancî de Nedîme Yaklav, Şakîr Dalkilip û H. Mehmet; beşê şîîra Kirmanckî de Baran Heval, beşê hîkayeyê Tirkî de Zeynî Arat, Îlhamî Çinar û Nûrî Ozen; beşê hîkayeyê Kurmanckî de Ramazan Kiran, Îsa Kaya û Mesut Yurtseverî xelate girewtî. Dîyayîşê xelatan ra dima hunermendî Yelda Abbasî û Hîvronî deyîrî vatî û program qedîya.
ç