Semed Serokomarî merdimêko go bikerdayê serok-komar eyro cayê cê çicayo. Tenê merdim bawno ewcara mardim fehm keno çiqas civako demokratîyî ra dûrîya. Weçînayişê bînan de zî zehf şarîrê nêbî omûd. Dest pênêdayişê wekîlan xo serera heta peynî raya caye raya civakê Demokratîkî nêbîy. Zey serede beşdarê bernamêkê tv bibe ewcada ewna vatê: “Ez zana no teklif makazagone ra tebero, la ma wo raya xo erê bidim e”. Bi serano ti wo vacê na makazagone yê wextê cuntaya ez bêrî sere ez do na makazagone bibedelnî. Civakî niya. Tede tebêkê demokrasi çinyo.
No vatişêko cade wo. La naye xirabêrî teklîfê go bêrê verê to, ti wo destek bidê ci. Bê ya joye zî ti wo dekewê qadan ti wo vacê serokkomaro eyroyin duşt makazagoned kar û xebat keno. La ti zî vacê na makazagonî nîya. Ez do erê bikerî. Ka senin go to ra bêro bawerkerdiş. Xo magazagonêka ti vanê ez nêverdena ti kes duşt çar xalê ewilînan rê teklîfê bedelnayişê yine zî nêro kerdiş. Sera 1975 de serokê na partî qada Berê Koyîde mîtîng de şarê Amedî rê qisey kerdê, semed weçînayiş de rayan bidê partiya CHP. Şarêko temaşê cêy kerdê, duruşma “bijî biratiya şaran”qîrêy. La serekê ya partî a sere ewna vat: “No welat de şarîy çinyê tenê şarêk esto”.
A roje şarê Amedî fehm kerd. Heta a roje heme hetê Kurdîstanîya leqebê cê “Karaoglan” ameyê nûştiş. A rojera nat sipe sipe wo reng çi beno wa obo. Cudatiya partîyanê sîstemî semed şaran çinya. Heme partî zî yew bînan fikiryenê; tenê miletêk, tenê ziwanêk şiara pêroyinana, zey yewbînan fikiryenê. Denîz Gezmîş û ray hevalanê cey zî vatê no welat de şar nê şarîy cuyenê. A semed ra îdam kerdişê yine de raynê rayê wekîlanê CHP bibîy. Bi nê kirinan, bi nê vatişan xo fehm beno. La mixabin çi heyf hema zî yinêko fehm nêkerdo tayî nîyê. Vatişêkê verînan esta. Vanê: ro vatişê merdiman nê emelanê yine bawnê. Gava bi emelan ti ge ge zey MHP ge ge zî zey AKP bikerê ti xo danê dest.
Raynê ame vînayiş bi hêvî çi çîkêk nêşino sere. Lazimo ti bixebetyê. Xeyrê xebatê ma xelasîya ma çinya. Lazimo ma her yew cayê xo ra no welat bi çi away yeno îdare kerdiş baş zanibim. Ma duşt çiyê? Ma wo warê yêde çi biyarim e? Ma çi wazenê? No welat hende dewlemendo. Bi heme çiyê xo. Çi ra hend feqîrî belengazî esta. Hend ziwanî, olî, mezhebi estê, çira ziwanê xo, olê xo mezhenbê xo bi gor yine bi ca nêyarenê. Gelo na qedera ma wa. Ya tercîhê tayin û bêkêrîyê ma wa. Gava ma teşhîs raşte bizanim, ronim, a herî rehet tedawîya. Reyberêk zey reyberê ma zî esto. Bi seran tekoşîn dawo, dano. Bi seyan pirtûk(kîtab)ê cê estê ray û raybazî nuştê. Marê çiyo rehet verdo. Ma biwanim fehm bikerim û bi ca biyarim e.
Nesîp GULTEKÎN