Hêrişê dagîrkerîye yê artêşa Tirk û çeteyanê ci ver bi seyan sivîlî ameyî qetilkerdene û hendêna zî birîndar bîyî. Reyna hêriş û dagîrkerîye ver heta nika zafaneyê Vakur û Rojhelatê Sûrîye mecbûr mendî ke ca û warê xo ra koç bikerî.
Goreyê xebera ke keyepelê Gazete Karinca ser o, Milletê Yewbîyayeyî (MY) da zanayene ke 9ê Teşrîna verêne ke hêrişê artêşa Tirk û çeteyanê ci dest pêkerdî ra nata pêro pîya 176 hezar kesan koç kerdo. Goreyê îzehetê Milletê Yewbîyayeyî 176 hezar kesan ra 80 hezar kesî doman î.
Verfekê Milletê Yewbîyayeyî Stephane Dujarrîcî dîyar kerdo ke hêrişanê dagîrkerîye ver sîstemê binêsazîyî zî zirar dîyo û nê ziraran ver 4 nêweşxaneyî zî tesîr bîyî. Goreyê Dujarrîcî îstasyonê awe yê Aloukî ke lazimîya awe ya 400 hezar kesan pê ana de tamîrato demkî ameyo viraştene û seba ke awe biresnîyo kesê ke herême de ca bîyî, jeneratorî yenî bikarardene.
AMED