Dêrsim de çalakîya vera qayûman ê Amed, Wan û Mêrdînî de vizêr roja 5. de çalakîye dewam kerde. Çalakîya ke Rasteyê Seyîd Rizayî de ameye viraştene, hemserekê HDPyî yê Bajarî Ozlem Toprake û Hidir Çîçek zî tewrê çalakîye bîyî.
Çalakîye de vervatoxê Meclîsê Cinîyanê Partîya Demokratîke ya Şaran (HDP) Nûrşat Yeşîle qisey kerde. Yeşîle qeyûmî vera îradeyê şarî sey derbeyêka sîyasîye name kerdî û va: “Na tena meseleya HDPyî nîya. Na meseleya heme kesan ê ke demokrasî û azadîye wazenê ya. Coka ganî heme hetê ke demokrasî wazenê vera qayûman vengê xo berz bikerê.”
DÊRSIM