Firatî roportajê xo de derheqê hukimatê 65’ina yo ke bi serekîya Bînalî Yildirimî ameyo ronayiş de qiseyî kerd û vat zey hukimatê peyên ê otokratîkî yo, dîyar kerd ke CHP zî bi polîtîkayanê xo ci rê xizmetê kerda.
Firatî aşkera kerd ke bi na kabîne wazenê ke bingehê rejîme Otokratîkî ronê, heto bîn ra qalê arde ser û vat ke hukimatê verênî de 2 wezîrê cenîyî bîyî û yewê dayê war o û bi no qeyde vera cenîyan de bêtehamulîya xo nîşan dayo.
Firatî beyan kerd û vat ke no qeydeyê Partîya Refahe yo.
Rejîmo otokrat
Firatî roportaj de wina qiseyê xo domna: “Na serekîya serekwezîrî de kabîneya peyên a, sey hukimatê peyên ê rejîmê otokratî. Vurîyayîşê ecêbî estê. Bi taybetî zî kesê ke wêneyê Dolmabahçeyî de ca girewtê ameyî pak kerdiş. Reyna hukimatê verênî de 2 wezîrî bî, nê hukimatî de yewe ame waro dayiş û yew cenîye mende. Bi no qeyde cenîya diyîne rê bêtehamulîye asena. No qeydeyê Partîya Refahe yo û yeno dîyîş ke AKP bi fikrê Refahe şona. AKP kewtê ravêreyeyêka ecêb û a do peynîya xo nêzdî de bîyaro. Xora goreyê min AKP serra 2011’î ra nat peyser şona. Azadîyî, aştîye û krîterê Yewbîyayîşê Ewropa mabên ra wedaritê û kewta rayîrêko bîn. Nameyê ney pergalê serekîye zî nîyo. Kenê şarî bixapnê la şar zano ke no yew operasyon o. Nameyê ney pergalî eslê xo de pergalê Baasî yo. Bi nê hukimatê peyenî kenê ke bingehê rejîmê otokratî ronê.”
AMED