Açikgoz seba ke tirkî nêzanayo zaf bi teda dîyo. Nameyê xo dibistane de sey talo,tirşo,şîrîno zanayo. No ser mamosteyê ey, o sey şarê Armanî ra zaneyo û ci ra cezaya vera neynike dibarekerdişê nameyê xo dayo û Açikgoz nika seba averberdişê Kurdî têkoşîn dano.
LÊL AMED / AMED
Mehmet Salîh Açikgoz seba vînînêbîyayişê ziwanê Kurdî rê bi îmkananê xo têkoşîn dano, nêweşxaneyêko taybet de xebityeno, nêweşî ke taybetî Kurdistanê Başûrî ra yenî şono hetê ci çimkî Açikgoz bi Kurdî înan ra hetkarî dano. Açikgoz seba muhîmîya 21’ê Sibate ser o qise kerd.
Mehmet Salîh Açikgoz aşkera kerd ke o bi malbatê qezaya Pîranî ra koçê taxa Alîpaşayê Amedî ra kerdê, seba ke tirkî nêzanayo gedeyê bajêrî ey ra her tim henekê xo kerdê û wina vat: “Wakîla min, min ra zaf heskerdine û her tim alişkeyanê min gazî kerdine. Demo ke alişkeya min a çepî gazî kerde, vatî telo, alişkeya min a rastî gazî kerde vatî tirşo û peynî zî lewê min maçî kerde û vatî şîrîno. Nameyê min bî telo,tirşo,şîrîno û demo ke ez şîya dibistane zî çew min ra nameyê min ê nasnameyî nêvat. Demo ke mamoste nameyan wendinê, min vatî; nika bivajo telo,tirşo,şîrîno ewta yo la mamoste qet nameyê min nêvat. Çi heyfo ke Tirkîya de Kurd estê la bîyayişê înan çino, ez zî sinif de bîya sey telo,tirşo,şîrîno la min nameyê xo nêzanaynî, nameyê min erebkî Mehmet Salîh bî.”
Vera neynike de nameyê xo dibare kerd
Açikgoz aşkera kerd ke rojêk mamoste vengê ci dayo, seba ke no dem de Kurdî yeno înkarkerdiş, mamoste ey sey şarê Armanî ra hesipnayo, çimkî taxa Alîpaşayî de dêr estbîyo û wina domna: “Mamoste min ra vat şo wayîrê xo (velînî çağir) ra veng bide la seba ke min tirkî nêzanaynê, min o ser yew merdimê ma, bi nameyê Velî estbî. Min şî malbatê xo ra mamoste vengê Velîyî keno, malbatê min tersa û Velî zî rema, şî dewe. Dayîka min dibistane de bi hetkarîya xademeyî mamoste reyde têkilî rona, mamoste nameyê min gedeyê şima talo,tirşo,şîrîno yo, tirkî nameyêk wina çin o, şima armanî yî. Dayîka min bertek nîşan da û vat ke tobe ma misilman î, nameyê xo nêzaneno. Mamoste vat ma nêeşkenî Salîh bigê dibistane la dayîka min rica kerd. Mamoste vat; wa Mehmet Salîh şîro vera neynike nameyê xo dibare biko. Psîkolojîya min xirab bî, no demserre mamoste min sinif da dibarekerdiş.”
Verin tirkî nêzanaynî, nika Kurdî nêzanenî
Açikgoz pare kerd ke ziwanê dayîke de perwerdedîyîş rûmetê merdimi yo û wina dewam kerd: “Çi heyfo ke Kurdî nika çar parçe bîyê la dem sey verin nîyo û teknolojî aver şîyo. Ganî tifaqa Kurdan awan bibo. Ma ziwanê ma zaf bi zengîn o, no ser ganî ma wayîr bivejê. Nika ez nêweşxaneyêko bi taybet karê açarnayoxê kena, Kurdistanê Başûrî ra nêweş yenî taybetî hetê min çimkî nêweşxaneyê Dewlete ziwanê .