14ê Hezîrane de namzedê AKPyî û çeteyê ci hêrişê esnafan kerdbî û netîceyê hêrişî de 4 kesî merdbî û 8 kesî zî birîndar bîbî. Herçiqas ke çeteyê AKPyî hêrişê şarî kerdî zî, medyaya hetgire kesê mexdurî sey sucdarî nîşan daye. Namzedê namzedîye yê Riha yê AKPyî Doç. Dr. Huseyîn Şeyhanlioglu zî hêrişî ser o keyepelê Hicrethaber.comî de nușt. Şeyhanliogluyî nuşteyê xo de hedîse sey ‘Roboskêyêka newe’ şinase kerda û dîyar kerdo ke seke yeno vatiş keyeyê Şenyaşarî PKKyî nîyo.
Heto bîn ra waya Esvet Şenyaşarî ke ame kiştiş Halîs Şenyaşarî zî dîyar kerde ke ê raporê otopsîye waşto, labelê înan ra vato ‘emir dîyayo ma, ma nêşênî bidî’ û wina domnaye: “Çimkî ê zanî ke eke rapor bidîyo, heme çî vejîyeno orte.”
MERKEZÊ XEBERAN