HPGyî da zanayene gerîlayo bi nameyê Armanç Zîlan bombardûmanê dewleta Tirkî yê Qilebanî de şehîd bîyo û nasnameyê ci eşkera kerd.
Merkezê Çapemenî û Îrtîbatî yê HPGyî da pêhesnayene ke 21ê Çile de artêşa Tirkî ya îşxalkare herêma Şehîd Kendalî ya Qilebanê Şirnexî bombardûman kerdo û hêrişî de gerîlayo bi nameyê Armanç Zîlan şehîd kewto.
HPGyî derheqê Armanç Zîlanî de nê pare kerdî: “Hemra Armanço ke 1982 de Beşîrî ya Êlîhî de ameyo dinya, 2015 de tewrê sefanê Gerîlayê Azadîye yê Kurdistanî beno. Arnmaço ke gama ke zewacnaye û wayîr hîrê domanan bi verê xo dayo koyanê Kurdistanî her tim herêmanê ke tede mendêne bi kesîya xo ya sade, fedakar û emegdare zereyê embazanê xo de ca girewtêne. Hemrayê ma Armanço ke timûtim felsefeya Rayberîye xo rê esas girewtêne, şertî senî benî wa bibîyêne raştîyan ra tewîz nêdayêne û tim xo perwerde kerdêne.
Ma sere de keyeyê erjayeyî yê Bagdû heme şerê welatperwerî yê Êlîh û Kurdistanî rê serweşîye wazenê û sozê bicaardişê waştişanê şehîdan danê.”
Nasnameyê gerîlayê şehîdî
Nameyê Qodî: Armanç Zîlan
Name Peyname: Fatîh Bagdû
Cayê Biyayîşî: Êlîh
Maye-Pî:Mîne-Beşîr
Tarîx û Cayê Şehadetî: 21ê Çile ya 2019î / Qileban
ANF/BEHDÎNAN