Xeylê mamosta, akademîsyen û kedkarî bi Qerarnameyê Hukmê Qanûnî (KHK) gureyê xo ra ameyî îxraçkerdiş. Nê mamostayan ra yewe zî Nursel Tanriverdîya ke Lîseya Anatolyaya Teknîk û Pîşeyî ya Kagithane ÎHKÎB ra de ameybî îxraçkerdiş a. Babete ser o Nursel Tanriverdîya ke Endamtîya Egîtîm Senî ver mamostatî ra ameybî îxraçkerdiş, qisey kerde.
Tanriverdîye qiseykerdişê xo de va ‘qefelnayîşê komeleyê muxalîfan ra dima dîyar bî ke ma zî do gureyê xo ra bêrî îxraçkerdiş’ û wina dewam kerde: “10 hezarî endamê Egîtîm Senî aşma êlule ra dima gureyê xo ra yew bi yewe ameyî îxraçkerdiş. Badê îxraçkerdişan ma qerarê xoverdayîşî girewt. Dêrsim û Hatay de xoverdayîşê baş virazîyayî. Badê xoverdayîşan tena Dêrsim de vîşêrê 80 kesê ke gureyê xo ra îxraç bîbî, newe ra girîyayî gureyê xo. Nê heme zî saya xoverdayîşan de bîyî.”
Ez fikrê xo ver îxraç bîya
Tanriverdîye wina dewam kerd: “20 serrî ra zêde yo ke ez mîyanê xoverdayîşê şorişger û demokratan de ca gêna. Qerarnameya peyêne ma rê suprîz nêbî. Cayê ke faşîzm tede bibo çîyê winasî normal î. Ez nasnameyê xo yê muxalîfî ver îxraç bîya. Ma seba ameyoxa domanan û Tirkîyayêka azade têkoşîn danî.”
ŞÛJIN/STENBOL