Qezaya Wanî Payîzava de cinîyê TJA yî û qezaya Wanî Tuşba rê girêdaye taxa Seyrantepe de semedê ‘nê’ cinî ameyî têhet û xebatê xo dewam kenê.
Cinîyan ra Husna Dûrmûşe da zanayîş ke semedê ameyoxê domanê xo do reya ‘Nê’ bido. Behîce Aslane vist vîrî ke wexto ke ê ewnîyenê televîzyon ra, tena reklamê AKP esto. Tirkîya de bi hezaran miletê cîya cuyenê, çira ma însafê yew mêrdekî rê bimanê. Cinî sebeno wa bibo qetî nêvajê ‘ya.”
Fazîle Kaplan (30) zî va, referandûmî de do vajo ‘nê’ û wina dewam kerde: “Semedo ke ciwanê ma nêmirê, cinîyê nêrê tecawuzkerdiş, îstîsmarê domanan ra, heqê cinîyan û semedê azadî ez vana ‘nê, înşallah do sindoqe ra ‘nê’ vejîyo.”
‘Eylem Altunli ya TJAlî zî wina va: “Ma semedo ke bi azadî nasnameyê xo û ziwanê xo bicuyê vanê ‘nê.’“ Handan Karakoyûne zî aşkere kerd ke, vera tedayê ke estê cinî nêvindenê.
Hemsereka Şaredarîya Payîzava Yildiz Çetîne ke vera ci qayûm ame tayînkerdiş zî vist vîrî ke şaredarî sey îdarekarê AKP danê xebitnayîş.Yildize da zanayîş ke xebatê ‘Nê’ yî dewam kenê.
WAN