Hemsereka Pêroyî ya HDPyî ya verêne Fîgen Yuksekdage derheqê qerarê tepiştîşî yo ke seba aye û Hemserekê Pêroyî yê HDPyî Selahattîn Demîrtaşî de ameyo girewtene de reyna ameyo girewtene de eşkerayîyêk daye.
Yuksekdage mesajê xo de vato ‘ez biheyecan a, cuya xo de raya verêne ya ke ez heman dewa ra di reyî yena tepiştene’ û wina dewam kerdo: “Nê welatî de çîyê verênî tim benê qismetê ma. Na bêhuqûqîye mîzeho sîya yo la bi naye huyayîşê çewî zî nîno. Seba vernîgirewtişê tehlîyeya Selahattîn Demîrtaşî verê çimanê heme dinya de bêhuqûqîye kenê. Xora îxtîmalê tehlîyeya mi rê zî tehemul nêkenê.”
Yuksekdage dewamê mesajê xo de vato ‘senî ke derheqê ma de lez û bez qerarê tepiştişêkê neweyî ame dayene, wazenê dewaya esasîye ya ke ez yena muhakemekerdene de cade qerar bîgêrê’ û wina qedênayo: “Ma se vajê, seba ma xeylî fermanî ameyî nuştene û dirnayene. Ez bawer kena ke cinîyî û heme şarê Tirkîya vera fermanê Qesrî yo ke seba qetilkerdişê azadîye, demokrasî û huqûqî yo de cewabêko polîtîk û ehleqî danî. Ez tîya ra silamanê bicoş û heskerdişê xo heme cinîyanê sîyasetmedaran rê erşawena. Ma çok nêda, vera zulmî de milê xo çewt nêkerd; her tim ma wina ser kewtî. Wa çew bêomîd nêbo. Ê do vînî bikerê. Vera zulmî yê ke anorê merdimîye û azadîye pawenê do ser bikewê.”
AMED