Babete ser o Zozan Ozgokçe û Songul Ozunvere qisey kerdî.
Dest nêdanî Weqfa Ensarî ro
Ozgokçeye va padîyayîşê VAKADî neheqî û bêhuqûqî yo û qiseykerdişê xo wina domnaye: “Weqfa Ensarî ke Karaman de 10 domanan rê tacîzî ser o ameybî rojdem, hema zî faalîyetanê xo domnena. Ma vînenî ke dezgeyê ke tecawizê domanan kenî, yenî destegkerdiş la rêxistinê ke vera înan de têkoşîn danî, yenî padayîş. Komeleya ma derheqê cinîye, bextwaştox û domanan de xebatê semîner, perwerde û sewbîna kerdêne. Padîyayîşê na komele nawit ke cinîyan ra, xebatanê cinîyan ra tersenî. Ameyî berê ma mor kerdî. No seba ma qet muhîm nîyo. Ma do meşte reyna xo rêxistine bikerî. Morkerdiş problem nîyo, wazenî çimê cinîyan bitersnî.”
Cinîya ke fikiryena ra tersenî
Ozgokçeye va ‘berê ma mor kerdî la nêşkenî rêxistina ma û mezgê ma mor bikerî’ û wina dewam kerde: “OHALî kenî mehne, wazenî bi no hawa heme çîk bikerî tek reng. Dezgeyanê cinîyan û cinîyê ke fikiryenî ra tersenî. Wextê erdlerzê Wanî de reyna waştbî ke komeleya ma mor bikerî, la netîceyê têkoşînê ma de dewa o wext kewtbî. Wextê morkerdişê 2. de ma selahîyetdaran ra va ‘madem ma hende telukeyîn î, o wext şima qey bi tanq û topanê xo nêameyî’.”
Ma do xebatanê xo bidomnî
Endama VAKADî Songul Ozunvere zî va ma derheqê doman û cinîyan de xebat kerdênê û qiseykerdişê xo wina qedêna: “Ma do mîyanê nê 3 aşmanê peyênan de zî bixebetyî. Ziqaq û keyeyî zî tede heme cayan de ma do xo biresnî cinîyan û xebatanê xo bidî domnayîş. Cinîyî VAKAD de zaf kede dayî. Do xebatê ma bi her hawayî bidomyî.”
ANF / WAN