Welatîyê ke qezaya Zîrganî ya Kantonê Hesekê de cuyenî, tecrîdî ser o qisey kerdî û wina vatî: “Ma bi serran binê zextan de cuyayî û ma bi felsefeya Ocalanî azadîye şinasna. Dewleta tirkî şexsê Ocalanî de hewl dana aştî, demokrasi û cuya ortaxe tecrîd bikera. Labelê se bikero zî nêşêna vernîya fikranê Ocalanî bigîra.”
Herêma Serêkanîyê ya Kantonê Hesekê de qezaya Zîrganî de Kurd, Ereb, Armenî û Suryanîyî pîya cuyenî. Şar herême de bi beşdarbîyayîşê xo îdareyê xo awan kerdo û welatîyî dîyar kenî ke bingeyê na cuye bi felsefeya Rayberê Şarê Kurdî Abdullah Ocalanî ameyo eştene.
Babete ser o kesê ke qezaya Zîrganî de cuyenî, qisey kerdî. Welatîyî vera tecrîdî de reaksîyon nîşan dayî û azadîya Ocalanî waştî. Welatîyan ra Narîman Ebdoye dîyar kerde ke felsefeya cuye ya Ocalanî huzir dana herême û wina va: “Dewleta tirkî tena şexsê Ocalanî nê, hewl dana aştî, demokrasi û cuya ortaxe ya şaran zî tecrîd bikera. Labelê do polîtîkaya tecrîdî nêşênbo vernîya vilabîyayîşê fikiranê Ocalanî de bibo asteng. Krîzê welatî ancax bi fikirê Ocalanî çareser beno.”
Semeh Ebdêye zî va ‘ma erebî zî Ocalan sey rayberê heme şaran vînenî’ û wina dewam kerde: “Ocalan tena seba kurdan nê, seba heme şar û bawerîyan têkoşîn dano. Saya fikirê Ocalanî de aştî û huzir herême de hakim bîyî. Cinîyê ke bi serran o zextan vînenî, bi fikirê Ocalanî azadîye şinasnayî.”
Kitabê Ocalanî sey çimeyî nîşan dîyenî
Corc Hîşamî zî da zanayene ke dewleta tirkî bi polîtîkayanê tecrîdî hewl dana Ocalanî şaranê Rojhelatê Mîyanênî ra biqerfno û wina va: “Fikirê Ocalanî hakimîya koletî, kapîtalîzm û serdestîye qedênayî. Kitabê Ocalanî ewro unîversîteyanê dinya de sey çimeyo esasî yeno nîşan dayene. No zî nîşan dano ke Ocalan tena seba şarêkî nê, seba azadîya heme şaran têkoşîn dano.”
MERKEZÊ XEBERAN
Tecrîd û şîddet yewbînan ra cîya nîyî
Endama Meclîsê Partîye yê Partîya Herêman ya Demokratîke (DBP) Alîye Kizildamare zî tecrîdê Ocalanî ser şermizar kerde û dîyar kerde ke eke tecrîd bêro wedarnayene, o wext vernîya cinîye de ti astengîye nêmaneno.
Kizildamare daye zanayene ke tecrîd tewr zaf cinî û qezencê cinîye ser o tesîr keno û wina va: “Cinîye parçeya tewr dînamîke ya komelî ya. Rizgarîya cinîye, rizgarîya komelî ya. Birêz Abdullah Ocalan seba pêameyîşê îrade û nasnameyê cinîye, erjêko gird o. Cinîya ke haya nêyî de ya, vera nê zîhnîyetî de têkoşîn dana. Ganî cinîyî xo vîra nêkerî ke ê parçeyê tewr dînamîkî yê komelî yî û goreyê ci têkoşîn bidî. Tecrîd û şîddeto ke vera cinîyan de beno yewbînan ra cîya nîyo. Eke tecrîd wedarîyo, vernîya qezencanê cinîyan de astengî nêmaneno. Cok ra ganî cinîyî vera tecrîdî de veng bivejî.”