Nûmayîşa grevê veyşanî yê Nûrîye Gûlmen û Semîh Ozakçayî roja 103. de ramena. Koma ke waşt paştîdayîşî bido çalakî û ver Vîrdarîyê Heqê Mordeman de têlewe bibo, raştê hêrîşê polîsan amê.
Çalakîya seba paştîdayîşê Gûlmen û Ozakçayî ya ser Kuçeyê Yukselî zî rameno. Gurekarê ke bi gul û pankartan ver Vîrdarîyê Heqê Mordeman de têlewe bî raştê mudaxaleyê polîsan amey.
Çalakîya înan bî malê civakî
Gurekaran ra Nazîfe Onay û Nazan Bozkûrt ke bi qurnefîlan şî cayê nûmayişî raştê manîkerdişê polîsan amey. Reyna gurekarê ke destê înan de pankarta “Wa Nûrîye û Semîh ageyrê ser karê xo” zî raştê mudaxaleyê polîsan amey.
Mudaxale ra dima, Nazîfe Onay îzahat da çapemenî û wina va: “Polîs wazeno Kuçeyê Yukselî ra gurekaran dûr bivîno, bi nayî Nûrîye û Semîhî bido vîrrakerdiş. La çalakîya înan hinî bîya malê civakî û nîno vîrakerdiş. No şerê emegî yo. Nêşkenê vengê Nûrîye û Semîhî bibirnê.
ANQARA