“Şarî 7’ê hezîrane de mojna ke aştî wazeno. Hemverê nê waştişê şarî semeda ke Erdogan nêbi serek, planêy xo yê seyî A, B, C vist dewre. Eslê xo de hemverê 78 mîlyon merdimî ser ameyo destpêkerdiş. No zî ma dekeno mîyanê etîryayîş. Nêviraştişê koalîsyonî zî hêvîya ci ya ke vengêy ke vinî kerdbî rayna bigîro.”
Serekî wazeno
Beştaş dergeyîya qalîkerdişê xo de ciresna ke eslê xo de şer verîya weçînayîşî ameyo destpêkerdiş û wina vat: “Bi operasyonêy sîyasî, bi qetlîama Zergelê, Silopî de bi gulevarnayîşê şarî, Licêyî de bi veşnayîşê daristanan û Farqîn û Gîyadînî de qetilkerdişê ciwanan Erdogan wazeno serektî dest bikero.”
Beştaş aşkera kerd ke Kurdistan de tabloyo ke vecayayo werte serranê 90’î vîyarnayo û roj çino ke xeberê mergî, qetilkerdişan ê seh nêkerî û wina vat: “No şer bi manaya xebatê weçînayîşan de yeno kerdiş. Labelê do no şerî vinî bikero û şar do îradeya xo sindoqan de nîşan bido. Bireya no şerî Erdogan bi xo dayo û him zî wexto ke no bire da meclîs zî nêda şuxulnayîş. Ti kes hemverê nê bireyî nêşkeno qalî bikero.”
Derbo gird lazim o
Beştaş peynîya qalîkerdişê xo de ard ziwan ke wexto ke koalîsyon awan nêbi mîyanê hukimatî ra sey vatişê ‘Wezîran do ma dîyar bikerî’ vecyay û no zî mojneno ke demokrasî werte ra ameyo wedarnayîş.
Beştaş wina vat: “Xora şar nînan veyneno la semeda ke şar nêveyno çi destê înan ra yeno se kenîy. Ser çapemenî sansurek gird ameyo ronayîş û nêverdanî bêxra TRT û AAyî ti kes xeberanê raştan biweşînî. Labelê se bikî zî veng o.”
FÎLÎZ ZEYREK/JINHA/EDENE