Rojnameger Tehsîn Şêx Kalo vat ke Hukumeta Iraqî ke wazena do Nînova de seba 3 hezar 140 malbatê DAIŞî ra kampêk biviraza qerarêko şaş o, bi no kampî do vera Êzidîyan telukeyê qirkerdişê dewam biko.
Hukumeta Iraqî qezaya Zummarî ya Nînova de seba 3 hezar 140 malbatê daişijan kampêk înşa kena. Bi nameyê Kampê El Umlayî do 4 hezar çadir bêrî ronayiş, no kamp zî do hetê Wezaretê Bextwaştox û Koçî ra bêro îdarekerdiş.
Viraştişê kampî ra şarê Nînova, pîrê komelî bertek viraştişê kampî kerdî û ver bere kampî çalakîyêk darvistî. Şarê Nînovayî vanî ke seba malbatê daişîjan viraştişê kampî semedê înan telukeyêko bi gird o. Meclîsê Iraqî de zî tay blokê sîyasî vera no qerarî bertek nîşan dayî. Çeteyê DAIŞî serra 2014î, Şengal de bi hezaran Êzidî qetilkerdiş û 5 hezar cenî û domananê Êzidî remnayî. Çi heyfo ke hema zî aqubetê bi seyan Êzidî nîno zanayiş. Vera hêrişê çeteyanê DAIŞî 100 hezar Êzidî nêçare koç kerdî.
Projeyêko bi plan
Babete ser o Rojnameger Tehsîn Şêx Kalo qise kerd û vat ke mintiqaya Zemarêyî de seba malbatê daişijan viraştişê kampî û hewna Kampê Holî ke malbatê çeteyanê daişijan manenê nêzdê Şengalî viraştiş projeyêko bi plan o, armancê no projeyi zî newe ra Êzidîyan qirkerdişî ra vîyartiş o, vera Êzidîyan şuxilnayişê ambargoyî yo.
Hemleyêka bi tuleke ya
Rojnameger Şêx Kalo aşkera kerd ke waştişê Hukumeta Iraqî hamleyêka bê negatîf û teluke yo û wina vat: “No qerar do ewleyîya mintiqa ra zirar bido, nê kesî çeteyanê DAIŞî yê û Êzidîyan qir kerdê. Seba malbatê daişijan viraştişê kampî vera Êzidîyan komployêk o, armanc Êzidîyan herranê xo ra tepa nêagerî yo. Şarê Nînovayî viraştişê kampî red keno, ganî endamê DAIŞî û hevkarê înan bi çarçiweya qanunê terorî dadgahanê taybetî de bêrî dariznayiş, çimkî nê çeteye şarê Êzidîye qetil kerdê.”
ANHA/QAMIŞLO