Elewîyan wazenê sazîya Serekeya Karananê Dîyanetî mîyanê ra bihewanî yo la belê CHP no waştişê elewîyan vila vetişî ser formulan gêrena û CHP seba xapênayişê elewîyan vernîyazê ‘Wa di Dîyanetî de kursuya elewîyan bibo’ kerd.
Wa bêro hewanayiş
Verba nê polîtîkayê lêminî ya CHP zî sazîyê elewîyan PSAKD, DAD, ABF, AKD, AABF û HBVAKVe zî wazenê Serekeya Karananê Dîyanetî bêro hewanayiş çimkî elewîyan na sazî seba xo neyar vînenî. Babete ser nuştoxê elewî Erdogan Aydin şîrove kerd. Aydin vat ke ê nêwazenê na sazîya nêyarê elewîyan Serekeya Karananê Dîyanetî polîtîkayê xo lêmin ra dewam bikero û CHP zî seba sazgehê ya na sazîye ser zî elewîyan ra lêborîn biwazo.
Wazena îdare bikera
Aydin wina vat: “Vernîyazeke CHP kerda, tena elewîyan hetê xo tepiştişî ameyo kerdiş. Encax elewîyan partîyeke vilaweke xo de zeypê welatijî ya elewîyan û laîklîkeke raştî û hewanayişê Serekeya Karananê Dîyanetî pawiyeno se na partî ra do hetkarî bidî. CHP tena wazena rewş îdare bikera û Tirkîyaye kanî înşa bikero.”
HDP wazena bihewano
Di nêzdîbîyîşê weçînayişê pêroyina 7 hezîrane de CHP seba ke elewîyan her tim hetê xo vîneyo la no ra elewîyan rîyê xo HDPe ra tadayê no ser zî CHP îdiayê ‘AKP û HDP pê kerdî’ kerd û waşt bi no rayîrî zî bernameyê HDPe sîya bikero.
Di vilaweke ya HDPe de bi aşkera vana ke ‘Partîye ma Dînayetê zey şekildayişê dînî vînena û no ser zî hewanayişê Dînayenetî şert o, ganîyo ke heme sembolê bawerîyê ser tade û zilmî mîyanê ra bihewananîyo û merdimî bawerî û dînê di wijdanê xo de biciwî.”
DÎHA/ENQERE