Qezaya Mêrdîn Kerboran de ablûqe’ yê dewlet roja 11. de ramena. Vizêr eskeran jew keye da ver guleyan. Bi şens, wextê gulerijnayen de, kes keye de nêbi. Heta bîn ra serva paştdayenê xoverdayişê Kerboran, Mîdyat ra, konvoya bi seyan wesayîtan waşt dekewo Kerboran. Raya welatijan dewa Serdêfê de, bi barîqatan amê giroten. Ser nay, welatijan destpa nûmayişa ronişten kerdî.
Qezaya Amed Sûr de zî verra ablûqeya dewlet 20 rojiyo xoverdayişê şarî rameno. Dewleta ke, nêşena na xoverdayişî bişikîno keyeyê welatijan dana ver adir. Serva wayirvetişê xoverdayinê Sûr vizêr zî şarê Amed ser payan bi. Welatijê ke ver bana AZC de amey pêhet sloganê ‘bicuwe xoverdayişê Sûr’ berz kerdî.
Verra ablûqayê dewlet nûmayişê protestoyî benê berz. Amed, Mêrdîn, Çewlig, Qers, Mûş, Wan, Colemerg, Dîlok, Stenbol û Îzmîr de nûmayişê protestoyî viraziyay. Nûmayişan de hikûmet ra waziya ke, desinde ablûqeya eskerîn hewado.
ANF