Ena komkişten hewna jî, roşnî nêbiya. Kurdistanijê Ewrupa her hefte rojo çarşemena çalakiyan virazenê û wastenê adeletî anê ziwan.
Paytextê Fransa Parîs de no hefte jî, kurdistanijan çalakiya wastenê adeletî viraşt. Şêligo rayverînê ceniyan de Merkezê Cematê Demoratîk ê Kurd ê Parîs de amey pê vet û vera cayê komkişteni kewtî ray.
Jûwîna Ceniyanê Sosyalîst jî desteg da xomûsnayinî. Wexto ki şêlig resa cayê komkişteni, qandê şehîdanê azadî rêz girotiya. Bado jî Esra Demîr nameyê şêligî sero qisey kerd û wastenê edeletî ard ziwan.
Çalakiya enê heftey de, şehîdê xoverdayişê 14"ê tîrmehî jî ardiyay vîrî.
Sûkanê Almanya Berlîn û Munîh de jî qandê eynî wasteni çalakî viraziyay. Paytext Berlîn de kurdistanijî bi kirîştinê fotrafanê 3 ceniyanê şoreşger şî konsolosxaneyê Fransa ver. Çalakî de vistiya vîrî ki, hewna komkişten nêameya roşnîkerdin û rayveranê Fransa ra wast ki komkişteni roşnî bikiro. Sûka Munîh de jî kurdistanijî Konsolosxaneyê Fransa ver de amey pê het.
Kurdistanijê Sakîne Cansiz, Fîdan Dogan û Leyla Şaylemez ardî vîrî û vat ki, hetanî komkişten heme hetan ra roşnî nêbo, iyê çalakiyanê xo virazê. Xeylê cayanê bînan ê Ewrupa de jî, çalakî viraziyay û Fransa ra waziya heme hetan ra komkişteni roşnî bikiro.
ANF/BERLÎN/MUNÎH