Êdî heme şaranê Tirkîyaye fam kerdî ke AKP û Erdogan nêyare heme şaran î û no ser zî bertekê xo nişan danî. Tirkîyaye de welatijekî cuyenî tena aştî wazenî, no ser zî emserre weçînitoxekî yewin ray, rayê xo bişuxulnî aşkera kenî ke do HDPe ra rayê xo bidî, çimkî HDP partîya heme şaran a. Nê ciwanan ra yew zî Hamîde Çivak a, Çivak emserre yewin ray, rayê xo do bişuxulno.
Kayê AKPe nêqedîyenî
Çivak destnîşan kerd ke peynîya weçînayişê, AKP dest pê konseptakê terteleyî kerd, no zî kayê AKPe yo û wina vat: “Demo ke HDP bendê weçînayişî vîyart, heme polîtîkayê AKP û Erdoganî têk şî. No ser zî nika heme hetgirê AKPe, polîtîkayê AKPe niqaş kenî. Ez emserre yewin ray, rayê xo do bişuxulna. Ganîyo ke seba ameyoxê Tirkîya, Kurdistan û kurdan AKP têk şîra.”
Çivak bal ant ser terteleyê AKPe yê Cizîr, Farqîn, Nisêbîn û Surî ra û wina dewam kerd: “Nika polîtîkayê AKPe ser mîyanê şarê kurd û tirk cîyakerî vejîya, no zî halo ke zaf teluke yo. Embazê min tirk, êdî min nêwazenî. Cizir de ser şarê kurd terteleyeko gird ame şuxulnayiş. Nê terteleyê zî tena waştişê yew merdimo, serekdewletî ra qewimyeno.”
Şer hesan têk şîrî
Çivak aşkera kerd ke ema ci nika koyê azad de seba azadîya şarê kurd têkoşîn dana, ema ci gerîlayake azadîwaşt a, ez zî têkoşînê ema xo ra heşm hîs kena.
Çivak destnîşan kerd ke a zî cenîya ke ciwan a, a zî her tim do seba aştîye têkoşîn bida û seba aştîye zî do rayê xo bida HDPe û eke AKP û Erdogan şerîko dijwar wazenî do a zî no şerî ra beşdar biba û do tewr peynî şerhesan vinî bikerî.
Çivak tewr peynî îzeh kerd ke a zaf wazena HDP do bendê weçînayişî bivîyara, Meclîs de zî cayê xo bigêra, ganîyo ke dijî heme nê kayan HDP do hêzê xo bimojna.
JINHA/STENBOL