Şarê kurd na ray ravêreyeya dîrokî ra vêreno. Yew kinar ra şer û kinaro bîn ra zî weçînayîşê 1’ê Teşrîne. 

Şarê kurd weçînayîşê 7’ê hezîrane de birîyarê xo dabi û enka zî yew be yew xoserîya heremê xo îlan kenê. AKP zî nê firset ra zaf heremanê Kurdistanî de cayê asayîşî îlan kerd û nê heremanê asayîşî ra 1’ê Teşrîn de sindoqan kirêşenê sewbîna cayan. 


Hîna emrê xo derg kenê

Şûraqaya qesra Erdoganî hesaban ra no tewr ra dek û dolaban ra no weçînayîşî qezenc kena. AKP no warî de heme plan û projeyê xo no dek û dolaban sero viraşto. Eke no dek û dolabê AKP nêtepîşê se, na ray zî weçînayîşê 1’ê Teşrîne îptal kenê û en taynî zî yew serre hîna emrê xo derg kenê. Labelê no warî de şarê kurd bêçare nîyo. 

Çimkî şarê kurd enkay ra zaf heremanê kurdistanî de bingeyê ravêreyî ya xoserî rona yo û no bingeyê xoserî her roj tikêyna vila beno heme cayê heremanê Kurdistanî ra. No sebeb ra yo ke no warî de AKP hende zaf kewta rewşa telaşî û tantane ranena û Hêrişê nê cayanê xoserîyan kena. 


Xoverodayîşê bêîtatîyê

No warî de AKP û şûraqaya qesra Erdoganî bi verên ra Gimgim de qirkerdiş viraşt tira dime zî Cizîre de, Farqîn de, Licê de, Sûr de, Şirnex de, Bêşabab de, Nisêbîn de nê qirkerdişanê xo dewam kena. No warî de rewşa muhîmî zî şarê kurd hemverê nê qirkerdişanê AKP ra pawitişê xo yo esasî kenê. No pawitişê esasî yew hetî ra zî çalakîyê xoverodayîşê bêîtatîyê. 

Labelê AKP nê çalakîyanê bêîtatîyê sivîlan ra tahammul nêkenê û bi top û tifingan ra hêrişê şarî kena. Hînê no warî de zî şar zî hemverê nê top û tifingan ra pawitişê xo yo esasî û radîkalî kena. Eke şarê kurd no tewr xoverodayîşê xo yo esasî dewam bikero se, AKP hînê nêeşkena ke yew gîyê biwero.

AKP û Erdogan weçînayîşê 7’ê hezîrane ra dime masayaya muzakereye vist û hemverê şarê kurdşer îlan kerd.Tabîkî no warî de şûraqaya qesra Erdoganî rewna birîyarê şerî dabi. Hînê weçînayîşê 7’ê hezîranî de HDP serkewt bibînê û nêbîynê se zî ancî zî nê birîyar amebi girotiş. Enka zî nê şûraqa vana ke HPG îhlalê bêçalakî kerd û rewşa muzakereye xirab kerd. Tabî nê rewşa zurkerey AKP û Erdoganî xo rê kerdo meslek. 


Şûraqaya qesra Erdoganî

La çi heyfo ke no warî de çapemenîya tirk zî wertaxê nê zurkereya AKP ya. Çapemenîya tirk eynî wextî de zî rolê cerdewaney kay kena. Tayyîp Erdogan bi rewşa eşkerayî ra heme kesan ra gefan waneno, vano; şima na marayê û na zî bi rewşa eksî ra şima dişmenê mayê, eynî hewayê zîhnîyetê faşîzmî. 

No sebeb rayo ke Şûraqaya qesra Erdoganî û AKP dişmenê heme komelî ya. Heyana ewro no şûraqa rîyê xo limit labelê enka zî maskeyê înan kewto. 

No sebeb ra yo ke hînê rewşa limitey ra û zûrkerey ra nêeşkenê ke hînê rîyê xo bilimnê. Yew tena weçînitiş înan mendo o zî rewşa tedît û zordarî ya. 

No warî de ganî hemverê nê zorey û dîktatorey ra rewşa şîdetê şorişê bêro gurênayîş. Na zî bi rewa rew ra Şûraqaya AKP hînê bi rewşa asanî ra îqtîdarî terk nêkena.


Gedeyanê kurdan û sîvîlan qetil kenî

AKP hînê zana ke Kurdistanî de cayê înan nêmendo û nê sebeb rayo ke hêrişê cayê pîrozê kurdan kenê. Dîrokîya rewşa kurdan de en cayo pîrozî û muqadesî şehîtgehê kurdan o. No sebeb rayo AKP bi verên ra hêrişê nê cayê goristanê şehîdan kena. 

No hewa hêrişî ya barbarî qet yew dewlete de û mileti de çinî ya. Şûraqaya AKP û Erdoganî her roj gedeyanê kurdan û sîvîlan qetil kena. Hemverê nê qirkerdişî ra ganî şarê tirk û kurd yew bibo.


Bi qirêjî kay keno


Na zî sewbîna tewr nê qetilkarî ewro kurdan sero bena û siba zî tirkan qetil kena. 

Heyana kurdî azad nêbê se, tirkî zî qet azad nêbenê. AKP heyana ewro rewşa îslamî ra şarî xapênay û enka zî rewşa nîjadperestî ra şarî xapênenî. AKP û Erdoganî hînê weş fam kerdo ke qesre rijîyena û na ray zî rewşa heme tewr qirêjî gurênena. No warî de çimê Erdoganî tarî bîyî eşkeno ke heme tewr xirabî bikero. Çimkî hirsê îqtîdarî zaf qirêjo û heme telukeyî gêyno ver çimanê xo. No warî zatî her roj heme qirêjî virazeno û eşkeno ke heyana 1’ê Teşrîne sewbîna tewr qirêjîya girde bivirazo. Ganî no warî de şar heme vergirewitişanê xo bigîro û ancî nêbiko rewşa 7’ê hezîrane.