Sûka Fransa Strasbourg de, nobeda semedê azadiyê Rayverê Şarê Kurd Abdullah Ocalan bi qerardarîna dewam kena.Ena nobeda bêmaben, 150 heftey xo pey de ternay.
No hefte jî, kurdistanijê sûkanê Bordeaux û Toulouse şiyê Strasbourg nobeda qandê azadiyê Ocalan’î tepişenê.Koma 150. rojo yekşem ra na kişt, Konseyê Ewrupa ver de nobet tepişena û eleqey ancenê rol û muhîmînê Ocalanî ser.Kurdistanijê buroşoranê derheqê fikr û felsefeyê Ocalan’î de jî kenê vila û wastenê azadiyê Ocalan û Kurdistanî anê ziwan.
Koma 150. eynî wext de eleqe ancenê weçînayinê 7’ê hezîran jî ser û qandê HDP desteg wazenê.Qisakarê koma 150. Yilmaz Kartal jî ANF rê qisey kerd û qerardarînê kurdan ê semedê azadiyê Ocalan’î ard ziwan.Yilmaz Kartal qalê muhîmînê weçînayinê 7’ê hezîran kerd û heme kurdistanij û çoşmanê demokrat ê Tirkiye ra wast ki, şirê sandiqan ser û rayanê xo bide HDP.
Nobeda qandê azadiyê Ocalan, 25”ê hezîranê 2012 de dest kerd ci û o çax ra na kişt bê maben dewam kena.Her hefte cayê ciya ê Ewrupa ra, kurdistanijî şinê Strasbourg û yekşem ra hetanî yekşeme nobeda sedemê azadiyê Ocalan’î tepişenê.
ANF/STRASBOURG