Na hefte ya 206. de zî, sûka Almanya Dortmund ra, jû koma 3 kesî şî Strasboûrg û nobed dewr girot. No kome zî do jû hefte nobed bitepşo û derheqê fikir û felsefeyê Ocalanî de vilavokî bikero vila.
Nûmayişkarê ke na hefte nobed de yê, yê bi nameyê Ahmet Karaca, Wezîr Namoyan û Muhammed Îsa bi sebebê tewrbiyayişê nûmayişî kêfweşînê xo ardî ziwan. Nobetdaran serva wayirvejyayişê nûmayişanê serbestîyê Ocalanî veng da heme Kurdistanijan ke rolê xo kay bikerê. No maben de, azayê komîteyê hadreyin ê nûmayiş Qesas Laser da zonayen ke îye dê serraçarnayinê nûmayişê nobed 25ê Hezîran de, jû nûmayişa gird virazê. Laser vist vîrî nûmayiş ke çehar serrîya xo qedînena raştê eleqeyê gird yena. Laser’î veng da heme Kurdistanijan û dostanê ci ke tewrê na nûmayiş bibê û waştena serbestîya Ocalan’î berz bikerê.
Amerîka ya Latîn ra eleqeyê gird
Heto bîn ra fikir û paradîgmaya Rayverê Şarê Kurd Abdullah Ocalan’î vilayê pêrokîn dinya bena. Amerîkaya Latîn de kî ‘Manîfestoyê Şaristanîya Demokratîk’ ke açarnîya ziwanê îspanyolî bi kombiyayişan yeno dasilasnayen. Kombiyayişê dasilasnayişê kitabî paytexta Arjantîn Buenos Aîres de destpa kerdî. Herzewbîn bi eynî meqsedî Uruguay, Paraguay û Brezîlya de kî kombiyayişî virazîyayî. Kombiyayişê ke çormeyanê çep, cenî, akademîsyen û zanyaran eleqeyê gird damusna de fikrê Ocalan’î yê derheqê sosyalîzm, modernîteya demokratîk, jîneolojî, kapîtalîzm û şoreşê rojawa amey qisey kerden. Azayê KNK Mahmût Çolak Zerdeştî aşkere kerd ke nê kombiyayişî raştê eleqeyê gird yenê û dê dewam bikerê
ANF/STRASBOÛRG