200 koman nobed girot
Her hefte cayanê ciya yê Awrûpa ra jû kom şina Strasbourg û meydanê mabenê Konseyê Awrûpa û CPT de, nobet tepişenê. Hetanî nika, vêşiyê 200 koman nobet tepiştî. Nûmayişkarî jû hetî ra waştena serbestîya rayverê xo anê ser zon, heto bîn ra Kurdistanî rê statu wazenê.
Tecrîd vera pêrokîn şarî yo
No hefte zî, sûkanê Almanya Bremen û Bremerhaven ra jû koma 4 kesî şî Strasbourg û nûmayiş dewr girot. Nûmayişkarî Feyzî Çapli, Nurî Ahmed, Omer Teyar û Dayika Soré jû hetî ra nobet tepêşenê, heto bîn ra zî buroşoran kenê vila. Feyzî Çapli ke ser nameyê nûmayişkaran qisey kerd vist vîrî ke, Kurdistanijî azadiya Ocalan'î zey azadiya xo vînenê. Çapli da zonayen ke ê tecrîdê vera Ocalan'î û kerdenanê vera ci, zey tecrîd û kerdenê vera xo vînenê. Çalakgeranê nobeta Strasbourg veng day heme Kurdistanij û dostanê ci ke çalakiyanê qandê azadiyê Ocalan'î hera bikerê.
Heto bîn ra parlementera HDP Feleknas Uca û Hevserokê NAV-DEM Bahattîn Dogan şî ziyaretê çalakiya nobetî. Uca û Dogan çalakgerana qisey kerd û seweta xebatanê ci spas kerd.
STRASBÛRG