Nobeta Ocalan rê Azadîye ke 25ê Hezîrana 2012î ra nata dewam kena, hewteyo 316. de dewam kena. Nobete no hewte hetê endamanê Merkezê Yewîya Komeleyê Êzidîyan (NAV-YEK) ra ame dewr girewtene.
Grûbe kesê bi nameyê Wezîr Nemo, Hasan Aksu, Cafer Nas, Mehmet Ozek û Adar Nasî ra pê ameyêne. Endamê grûbe dîyar kerdî ke ganî CPT û Konseyê Ewropaye berpirsîyarîya xo bîyarî ca û wina domnayî: “Ma bi beşdarbîyayîşê çalakîya Strasbourgî, wazenî ke wa Konseyê Ewropa û CPT wayîrê heqanê Ocalanî bivejîyo.”
Endamê grûbe dewamê qiseykerdişê xo de wina vatî: “Ocalanî tarîxê kurd û Kurdistanî de sîstemo tewr demokratîke eşto dewre. Nîşan da ke kurdî eşkenî dewlemendîyanê xo sîstemêko winasî de bierzî dewre. Ameyeyê şarê kurdî ancax bi Ocalanî azade beno. Ganî kurdê welat û teberê welatî seba azadîya Ocalanî bixebetyî.”
Sîstemê Ocalanî seba heme şaran o
Çalakgêran da zanayîş ke ê nêşênî esîrîya Ocalanî ya 20 serran qebul bikerî û wina qedêna: “Felsefeya Ocalanî tena seba şarê kurdî nê, seba heme şaranê Rojhelatê Mîyanênî ya. Cuyêka azade û biratî ancax bi sîstemo ke Rayber Apoyî pêşnîyaz kerdo yo û ancax bi nê sîstemî şar û bawerîyî bi hawayo azade cuyeno.”
ANF / STRASBOURG