Çalakîya Nobeta Ocalanî rê Azadîye ya ke 25e Hezîrana 2012î ra nata vernîya Konseyê Ewropa (KE) ya bajarê Strasbourgî yê Fransa de yena viraştene, hewteyo ravêrte de kewtbî serra 8. Çalakîya ke o tarîxî ra heta nika bêmabên yena domnayene, hewteyê 367. de hetê grûba Mannheîmî ra yena dewamkerdene.
Grûba ke Halîs Dogan, Mahmût Yucel, Şaban Ataş, Azîz Aktaş û Ahmet Aktaş tede ca gênê, bi eşkerayîyêk wina vato: “Pawitişê azadîya Rayberê Şarê Kurdî Abdullah Ocalanî wezîfeyê heme Kurdan o. Ganî Nobeta Azadîye hetê heme Kurdan ra bêro wayîrvejîyayene. Na çalakîye hem semedê Kurdan hem zî semedê merdimîye çalakîyêka bianor a. Ganî heme welatperwerî berpirsîyarîya xo bica bîyarê ke çalakîye hîna bihêz bo. Na çalakî ya ke heme bindestan eleqedar kena, ganî goreyê naye bêro destgirewtene û heme dinya rê bêro ramotene ke do çalakîyê ma heta azadbîyayîşê Ocalanî bêrê domnayene.”
ANF / STRASBOURG