Nobeta Ocalan rê Azadîye 25ê Hezîrana 2012î de dîyaybî dest pêkerdene û heta roja ma ya ewroyî dewam kena. Nobete hewteyo 318. de bêmabên domîyena. Nobete bajarê Strasbourgî de vernîya awanîya Konseyê Ewropa de bi beşdarbîyayîşanê neweyan dewam kena. Nobete no hewte hetê grûba Danîmarka ra ameye dewr girewtene. Grûbe mîyan de welatperwerê bi nameyê Kejê, Xecê, Serhad û Sadik estî. Ser nameyê grûbe îzehetêka ame dayene. Îzehet de ame vatene ke ‘seke ma hetê Rayberîya xo de bibî, ma wina hîs kenî’ û wina dewam kerdo: “Ma rayîrêko derg ra ameyî, labelê seba ke ma wina hîs kenî, no rayîr ma rê zaf kilm ame.” Çalakgêrî veng dayî dezeyê Konseyê Ewropa û CPT û wina domnayî: “Wa vera tecrîdî de berpirsîyarîya xo bîyarî ca. Kurdî azadîya Ocalanî ra fek veranêdanî. Ma do heta peynî girêdayeyê Rayberîya xo bibî û ma do bi hawayo pratîk zî nêyî nîşan bidî. Sere de kurdê Anatolîyaya Mîyanêne û herkes ganî vera Rayberîya xo de ma berpirsîyarîya xo bîyarî ca.”  ANF/STRASBOURG