Merdimê dînî ke beşdarê Komxebata Îslamê Demokratîke bîyî, tecrîdo girankerde ke Rayberê Şarê Kurdî Abdullah Ocalanî ser o yeno domnayene ser o qisey kerdî û reaksîyon nîşan dayî. Merdimanê dînî tecrîdî şermizar kerdî û waştî ke wa dezgeyê mîyanneteweyî yê huqûq û heqê merdimîye bikewî dewre.
Endamê Yewîya Dîndaranê Hesekê Ednan El Ilîwîyî tecrîdî şermizar kerd û wina va: “Esîrîya Rayberîye netîceyê komployêka mîyanneteweyî de virazîya. Kurdî têkoşînê ci reyde îftîxar kenî. Dewleta tirkî hertim qala îslamîyetî kena, labelê ti eleqeyê xo îslamîyetî reyde çin o. Kitabo Pîroz de qala heqanê hepsîyan yeno kerdene, labelê AKP nêvîneno. Heto bîn ra kurdî wazenî rewşa Rayberîya xo bizanî. Çimkî Rayberîye temsîlkarîya kurdan kena û raştîya dewleta tirkî aşkere kena.”
Endamê Yewîya Dîndaranê Hesekê Ebu Enver El Qadirîyî zî bêvengîya dezgeyanê mîyanneteweyîyan şermizar kerd û wina domna: “Ocalan mîmarê aştî û merdimîye yo. Vengdayîşê ci tena seba kurdan nê, seba rizgarkerdişê heme şaranê bindestan o. Rêxistinê ke azadîya şaran wazenî, vera Ocalanî de wezîfeyê xo baş nêkerdî. Bi fikrê Neteweya Demokratîke ya Ocalanî şarê Vakurê Sûrîye bîyî yewe. Ez veng dana herkesî ke wa vera polîtîkayanê AKPyî de bivinderî û seba rewşa Ocalanî de zî bikewî dewre.”
ANHA/HESEKÊ