Rêxistina Kongreya Starî ya Kantonê Kobanê vera tecrîdo girankerde ke Rayberê Şarê Kurdî Abdullah Ocalanî ser o yeno domnayene de bi siloganê ‘Ma do bi ruhê xoverdayîşî şorişê cinîye bikerî şorişê komelkî’ hemleya çalakîye daye dest pêkerdene.
Şar herêma Firatî de vera tecrîdî de vejîya raşteyan. Rayîrşîyayîş de fotografê Ocalanî, beyraqê Kongreya Star, TEV-DEM, YPG û YPJyî ameyî kiriştene. Reyna pankartê ke ser o ‘Azadîya Ocalanî azadîya cinî û komelî yo’, ‘Ma do tecrîdê Îmrali birijnî û Rayber Apoyî reyde azade bicuyî’, ‘Wa bicuyo biratîya şaran’ û sewbîna ameyî eştene.
Rayîrşîyayîş Rasteyê Cinîya Azade de dest pêkerd û heta Rasteyê Selamî dewam kerd. Rasteyê Selamî de îzehetî ameyî dayene. Hemserekê Meclîsê Caardişî yê Kobanê Enwer Muslîmî îzehetê xo de tecrîd û bêvengîya vera tecrîdî de şermizar kerd û seba azadîya Ocalanî veng da herkesî.
Îdarekaranê Girê Spî yê Kongreya Starî ra Dîlan Hesene zî wina va: “Cinîyê rojawanijî xeta Rayberê Şarê Kurdî Abdullah Ocalanî de cuyenî. Çimkî Ocalanî rayîrê azadîye nîşanê ma da û ma koletîye ra xelisna.” Çalakîye bi silogananê ‘Bê Rayberî cuye nêbena’ qedîyaye.
ANHA/KOBANÊ