Damustayin de vajiya ke, 17. serragêra Komplo de, komplogerî hona zî vera Kurdan komployan ra fek nêvirada yê. Polîtîkayanê qirkerdin yê dewleta Tirk ra no raştî vîniyeno. CDK-F vist vîrî ke, kiştişê domanan, qirkerdişê ceniyan, rijnayiş û veşnayişê Kurdistan rafîneno ver çiman ke, komplo fina vistiyo dewre. Damûstayin de zewbîn wina vajiya: “Şarê Kurd û dostê ci dê nê polîtîkayanê qirkerdin û planê îmhayê neteweyî veng (tol) vejerê.
Vengê xo berz bikerê
Damûstayin de vajiya ke, 17. serragêra Komplo de, 15î Sibatî de, çar leteyê dinya de nûmayişê protestoyî dê viraziyê: “Komplogerî dê finê da bîn bîrê lanetkerdin. Vera quwetanê îşgalkerdox û êrişkar fina da bîn veng do bibo berz. La zey her serr, emserr zî nûmayişê navendî do Strasbûrg de viraziyo. CDK-F da zonayen ke, komîteyê hadreyîn kombiyayişê xo viraşto û wina va: “Kombiyayin de hayr anciya biyayişanê Kurdistan ser û bernameyê nûmayiş goreyê nay ame tenzîm kerdiş.
Damûstayin de vajiya ke, nûmayişo ke bi slogana ‘Ocalan’î rê serbestî, Kurdistan’î rê statu’ viraziyeno de, waştena azadiya Ocalan û Kurdistan do bîro qîrînayiş. Veng danime herkesî ke, vera qetlîamanê dewleta Tirk tewrê nûmayiş bibê û vengê xo berz bikerê.
ANF/NAVENDÊ XEBERAN