Şirnexo ke bi ko û zozananê xo namedar o de her roje ocaxê neweyî yê komir û kerrayan abenî. Ocaxê ke kontrolê înan nîno viraştene, hûmara înan zêdyena û nê ocaxî zî zirar danî tebîetê bajarî. Dînamîtê ke yenî teqnayene benî sebeb ke qum bikewo mîyanê awanê çimeyan û lêmin bikero.
2 ocaxê ke Koyê Cûdî de yî cuya merdim û gandaran erzenî tehlukeyî mîyan. Heta nika nê ocaxan de pêro pîya 14 karkerî merdî, 15 karkerî zî birîndar bîyî. Hetê ocaxê komiran de nika zî ocaxê kerrayan abenî. Ocaxo ke dewa Cifaneyî de yo, dormeyî lêmin keno û heywanî zî na lêminîye ra tesîr benî.
Hemwelatîyan ra Emîne Bîrlîke va ‘ma êdî nêşênî çîyanê xo nê awan de bişiwî’ û wina domnaye: “Verê cû ma heme çîyê xo nê awan de kerdêne. Labelê nika ocaxê kerrayan ver, awe lêmin a. Tena ocaxê kerrayan nê, yê komirî zî estî. Eke wina dewam bikero, ma nêşênî nê awan bikar bîyarî.”
JINNEWS / ŞIRNEX
Domanê êzidîyan pey xelayanê xo de şonî
Bi nameyê Milhim Bereketî de domanêko êzidî ke dewa Borke de cuyeno û 14 serre yo, bi eleqeyêko gird resim xêz keno. Bereket vano ‘mi hêrişanê qirkerdişî ra ver dest bi xêzkerdişê resmî kerdbî’ û wina dewam kerd: “Ez viraştişê resmî reyde zerrîweş bena. Verê cû mi kartonî ser o xêz kerdêne, labelê badê ke kesê ke dormeyê mi de yî ferq kerdî ke ez baş xêz kena, hetkarîye dayî mi. Ez êdî kaxizî ser o xêz kena. Yê ke resim reyde eleqeder benî, ewil xo rê babetêk weçînenî. Ez wazena xeyalanê xo pê bîyara û xêzkerdişê resmî bidomna.” n ROJNEWS / ŞENGAL