Bîlançoya Vîrusê Korona (Covid-19) ke pêroyina Dinya girewto binê tesîrê xo roj bi roje giran bena. Hetanî nika Dinya de zêdeyê 750 hezar kesê vîrûsî ra kewtê û 40 hezar kesî Vîrusê Koronayî (Covid-19) ra merdê. Tirkîya hûmara kesê ke vîrûsê kewtê nêzdî 11 hezar bî. Zaf welatan de sîstemê weşîye têk şî û no zî welatan de kapasîteya weşî ard rojdemê.
Roja 27ê adare Serekkomar Erdogan peynîya kombîyayişê Heyetê Îlmî de aşkera kerd bî ke vera Vîrûsê Koronayî tewro baş ê têkoşîn danê û kapasîteya cilanê lênêrîna awarte de ê Dinya de dewleta yewine yê la goreyê agahîyê OECDî yê mabenê serrê 2015 û 2018î, Tirkîya mabenê 42 dewlete de hûmara 31î de ca gêna. Lîste de sere de Japonya, Koreya Başûr, Rusya, Almanya û Avusturya estê la tewro peynî zî lîste de Hîndistan, Endonezya, Kosta Rîka, Meksîka û Kolombîya ca gênê. MERKEZÊ XEBERAN