Xêlê lejkerê Emerîqa Koyanê Zerdek de bi ca bî. Teyareyê girêdayê koalîsyonî zî hîrê rojanê peynî de zerreyê sûk û çormeyê ci bombevornayen kenê. Quwetê peşmerge zî kişta Xazir ra verra Mûsil şinê. Çarçoveyê operasyonî de heta nika 10 dewî çeteyan ra amey xelesnayiş. Goreyê zonayişan heta nika 6 permergeyan weşîya xo kerd vinî, xêlê ci zî bî dirbetin.Yeno pawiten ke quwetê YBŞ û YJŞ zî kişta Şengal ra, û quwetê HPG û YJA STAR zî seba xelesnayişê Hewêc ke Kerkukî ser o ya, tewrê operasyonî bibê.
Hewce bikero, ma dê dûştê Tirkîye lej bikerê
Kişta bîn ra Serokwezîrê Iraq Haydar Ebadî derheqê operaysonê Musil'î de qisey kerd û da zonayen ke iyê dê nêveradê ke Tirkîye tewrê operasyonî bibo û eke hewce bikero, dê verra Tirkîye lej bikerê. Ebadî ard ziwan ke quwetê Iraq tewrê operasyonê Musil biyê û tenya quwetê Iraqî dê operasyonî de ca bigirê û vat: “Mayê qetî nêviradê quwetê Tirk tewrê operasyonî bibê. Eke dewleta Tirk hîmê lejî hedre bikero, heqê ma yê xopawitişî esto. Eke hewce bikero, ma dê verra dewleta Tirk lej bikerê. Ebadî vist vîrî ke, Tirkîye bê xeberdarînê înan, quwetê xo Başîka de bi ca kerdo û vat: “Ma seba ke quwetê tirk, welatê ma terk bikerê, serpirodayişê Jûwîna Ereban û Konseyê Ewlekarîn ê Jûbiyayinê Mîletan dayo.
NAVENDÊ XEBERAN