Koroyê Pirrvengî yê Domanan ke qezaya Mûş Gimgim de ronîyayo, eleqeyekê gird anceno.
Gimgim de Mektebo mîyanên yê Hamûrpet de koroyo ke 40 domanî mîyan de ca gênê, verîya 3 serran ronîya. Verî domanan bi bîdon, legane û textike muzîke viraştî û jû grûba rîtime ronay. Dima ra bi destegê malima muzîke Asli Tanrikulu, domanan bi enstrumanê muzîke, dersê nota girewtî. Wextekê dima ra koma domanan bi nameyê ‘Orkestraya xeyalan’ ronîya.
Silayîye festîvale bî
Tanrikulu mektebe de jû sinifa muzîkî akerd. 3 serran ra dima domanî nika enstrumanê zey baxlama, mandolîn, keman, gîtar, flut, pîyano cenenê û bi klamanê kurdî, tirkî û îngilîzî dewijan rê konser danê.
Wendekar Ozcan Tarhan ke mîyanê grûbe de ca gêno, wexto ke şino ver çarweyan baxlama ceneno.
‘Orkestraya xeyalan’ ke silayîye Festîvala Koroyê Pirrvengî ya Mavênneteweyî yê Stenbol Sansev bî, hadreyîne festîvale kena. La seba ke orkestra tewrê festîval bibo, paweyê destegê madî ya.
BÎRGUN/GIMGIM