Wexto ke Tirkîye û Bakurê Kurdistanî de girotişê rojname, tepiştişê rojnamevanan û sansor biyo vêşî de , destpakerdişê rojnameyekê bi no rengî omidê wendoxan kerd berz. ‘Ozgurlukçu Demokrasî’ ke ser xeta demokrasî, azadiya cenî, heqê merdiman, ked û ekolojî de vejîya, damûsna ke endî çapemenîya azad û mûxalîf nîna bêveng kerden.
‘Ozgurlukçu Demokrasî’ surmanşetê xo de ca dayo girotişê edîtorê pêroyin ê Ozgur Gundemî Zana Kaya û Midurê Karê Nuşteyan Înan Kizilkayayî. Rojnameyî manşetê xo de zî bi vatena "Mehla de domanî nêternay’ ca da komkiştena DAIŞ yê Dîlok. Rojnameyî sernûşteyê xo de zî qalê muhîmîya azadiya çapemenî, demokrasî û heqan kerd û vat, iyê dê bibê vengê azadî, demokrasî, heqan. Sernuşte bi vatişê ‘Taritî pey ma de, roşnî ver ma de ya’ qedîya.
DÎHA/STENBOL