Parlamenter Ozsoy’î ablûqe û terora ke verra Cizîr, Sîlopî û Sûr yena ramiten vist vîrî û serva ke Wezîrê Karê Zerrî Efkan Ala cewab bido pêşniyazpers da meclîsî.
Bi seyan sivîlî kişiyay
Ozsoy’î vist vîrî ke, qûwetê dewlet bi tanq û bombe eştoxan sivîlan kişenê, werteyê kuçeyan de cenî û domanan qetilkenê. Ozsoy’î Efran ala rê persa ‘welato ke şima wezîrê karê zerrînê de, çend aşman de bi seyan welatijê sivîlî amey kişten, se hezarî însanî amey goç kerdin, no şima nê dejneno’ kerd.
Verniyazpers de, Parlamenterê HDP Ozsoy’î herzewbîn nê persan Ala rê pers kerd:
* Wezareta şima goreyê kamcî delîlan, 67 doman-qij û 48 sivîlê ke 7ê Hezîran ra na het, hetê qûwetanê dewlet amey kişten, zey ‘tetorîst’ lanse kena?
* Şima merdişê sivîlan çima raya pêroyîn rê aşkere nêkenê? Şima kamiyê 302 PKK’yijan çima aşkere nêkenê?
Hişyar Ozsoy’î da zoneyene ke, însanê ke amey kişten emrê ci 18î ra werdî û 50î ra girdî yo û vist vîrî ke, nê raştî yenê nimitiş. Ozsoy’î vist vîrî ke, goreyê fermanê wezareta karê zerrî, herem de, mekteb û nêweşxaneyî açarniyayê qerargehê eskerî û persa ‘Şima dê çiwext meclîsî rê, derheqê raybazê herbo ke şima Kurdistan de ramenê zonayişî bidê?’ kerd. n ÇEWLIG