Hef ke raya pêro Tirkîya, taybet temsîlkara şaran sîyasî hereketa kurd waştbi, na gengeşîya rojhelato mîyanên de Tirkîya biba demokratîk. Biba dewletêka nimûnê. Demokrasîya ê averî hemê dewletan bibo ke mesela kurdan bi encam bo. Kî serra hewtay-heştayê şarê Tirkîya destêk dano pêvajoya çareserî. Şar wazeno êdî hurdhemê teref (PKK û Komara Tirkîya) pê berî, çek werade, lejî 40 serr bi qedînî. Hef ke ona nêbeno. Partîya AK no merhaleyê weçîno umimî de yewna qede, tam ters yew îstîqamet da xo. Verbi pirnike xo şi. Verbi opsîyona şaran, goreyê hedefî xo gam eşt. Reyna otorîte xo, rîyakarîya xo mojna şaran. Aşkera-aşkera va,“raya pêro Tirkîya mi eleqedar nîya. Verkan beka Tirkîya ne, ez mihîm a, ewlehê min mihîm o”. No sebep ra no weçîn de weşere qabe otorîteya xo 400 wekîl ser qonsantirê bîya. Pe adirî kaye kena.
Malesef Partîya AK, hetanê nika pêro weçînan de qabî qezencî xo hînî kerdbi. Her weçîn de xo rê çîko efsun xulg kerd, pe tehdît û çîyanê efsunan, bî partîya sereke, bi îqtîdar. Ge no çî KCK bî. Ge ergenekon ge zî paralel bi. La na rey Partîya AK zaf cîdî ya. Zaf gird kaye kena. Eke, hedefî ey de , pêrkin hereketa şar, pêrkîn şelîga şar estê. Bê tirko sunîyo sîpî her kes bîyo tehdîtî ey. Şarî tehdît ramojnena ke Partîya AK, wazena hetkaran xo wayer bo, rayan xo miqayet bo. Ayera partîya AK kaos ra, gengeşî ra, pakêta ewlekarî ra medet pawena. Seba ko reyna serekewte bo, gorê eqlî stratejkeran xo, îna sîyasî û stratejîk yew qerar girewt. Çimkî êdî têk şina. Neyrayo, bîyê têmîyan, yewbînan bi dizdî û talanan îtham kenî.
Bele, merhaleyê na pakêt de muxalefet xover da. La temsîlkara şaran HDP, “ kî en opsîyona cîdî bî”, goreyê lîyakata xo, xover da. Saya HDP pakêta nêewlekarî ancax rencîde bî. Şar rîyakarîya partîya AK dî. Netîce de îqtîdar senî waşt qanun otewr seruber bî. Qanuna salahîyet a wezîfeya polîs hîna bî bi hez. Erkî lijneya umim ya meclîs hîna bî, bi zedê. Her wext şikenê bi qerarnameyan hikme şaran bikêro. Tabî zere nê dosya belgen de înternet, qanuna tendurîstî zî newe ra seruber bi. Wezîr û serekwezîr şikenî malper qedexe bikî. Walî bîy bazbendî dadgeh. Hele polîs makul şuphe ser êdî şikeno hîna zaf tutan bi kişo. Oxro, seserra Kurdîstan de îdareyo orfî esto.Çiman roşn nîdî. Goşan nîşinawit. Zonê kurdî nîlorîya. Şar, rojeka roşn û azade nêvîna. Kalme tîranan tim kurdan ser wîza. Ziwan û kulturî kurdan înkar bi. Kamîya tirk, ferz bî. Numayiş zî qedexe bi.
Xulase. Pakêta ewlekarî kewt merîyetê. Kard rehesti. Nika şar perseno.Makeqanuna Tirkîya, makeqanuna orfî îdareya. Polîs hedî xo, selahîyetdar o. Dewlet tam bîya dewleta polîsan. Şar, beterê beteran ra terseno. Van kam ma paweno? Û, verê xo dano partîya xo. Meyle xo dano partîya xo. Partîya Demokratîk ya Şar(HDP).
Mistefa ŞAHÎN