Yew mesela esta mîyanê Şarê Kurdan de zaf  yena qisêkerdiş.

Kurdanê Zaza, Kurmanc, Soran, Lor, Hewreman û Kelhur bi tewire cîya cîya  na mesela vanî.
Name na mesela “Zurekerîya” û ser  na mesela hete  ma de yanî beynatê Çewlîg û Amed de hina yena qisekerdiş.
"Zureker”
“Vanî yew dewe bena,  yew zî zureker beno. Deng û vengê cî çar hetê ra vila bibî.Zureker vano, rî erdan de çew sey mi zuran nêkeno.
Rojek yew dewijê ey zureker şiyo yew dewe.O ca de yew merdimo zaf zureker dîyo. Agêrayo ameyo  dewa xo û dewijê xo ra vato mi filan dewe de yew merdim dî, to ra zurekerêr bi.Merdim vano ez bawerê to nêkeno. Dewij vano ti bawer nêkenî ez nameyê ey bidî to şo bivîn.
Merdim dano piro şino. Şino keyeyê merdimî pers keno, dewijî mojnenê ci. Şino berê merdimî kuweno, lajê merdimî vejîyeno verê berî.
Merdimo zureker laje zurekerê bîn ra vano qijo, babiyê to ça de yo?
Qij  vano ezman diryayo babîyê mi la û goçîn girewt û şî biderz.
Merdim pa maneno vano willay roşt o. Eke lajê ê merdimî nê zuran keno ez hinî ê merdimî nêvînî zî beno”.
Heta nika, raştîya Tirkanê zalim zî hina bî. Her wext, Kurd bi dil pakî nezdîyê Tirkan bîyê.
La, her wextî, Tirkan, hem berê Kirdan dom viraşta.
Mustafa Kemal, peameyîşa Amasya ya serra 1919 de vati bi ma heqanê Kurdan a netewî qebûl kenî, pêameyîşa hina îmza zî kerde bi. Kirdan na pêameyîş dima ra şer kerd û Tirk zî bindestî ra xelas kerd.
Dima ra Komare Tirkiye ame awa kerdiş. La Mustafa Kemal îna, bi destura bingeyîn a 1924 ra biyayîşe Kurdan-Kird- înkar kerd. Va netewe Kirdan çîna.
Şex Seîd û Seyîd Riza înan, no înkarkerdişê M. Kemal qebul nêkerd.
Şex Seîd û Seyîd Riza înan, hem berê zulmê  Tirkan, serewedayîş-raperayîş, îsyan, serhildan- kerd.
Seyîd Riza peyînê peyînê de va, “Ez hemberê domê-deq û dolab- şima ser nê kewta, wa mi ra bibo ders. La mi hem berê zulmê şima ser ronayene nê kerde, wa no zî şima ra bibo ders”.
Ze kalana ma e serhildar vato. Kirdan zaf ders girewtê.
M.Kemal zî weş şinasna. Teyyîp Erdoxan zî weş şinasnenê. Zurkerîya înan zî weş zanî.
Erdoxan vano, ma wazenê persa Kurd çare bikerenê. Rêberê Şarê Kurd Abdullah Ocalan zî Newroza Amed de manîfestoya Kurdîstanê Azad û Konfederalîzma Demokratîk, Konfederalîzma Demokratîk a Rojhilatê Mîyan û Cîhan vila kerd. Hîre mîlyon Kirdan-Kurd- û hema hema heminê cîhan, Manîfestoyê Kurdîstanê Azad ê Ocalan qebûl kerd. Ma bi ewne Erdoxan qebul keno ya nê keno ê bi vejîyo werti.
Ocalan, bi “Manîfestoya Kurdistanê Azad û Konfederal” Newroza Amede de wa, ma wazenê persa Kurd bi reyanê demokratîk û sîyasî çare bikerê.
Nika-ita- ra pê ê bi vejîyo werti. Bir raştî Erdoxan sey kalane xo zureker o ya nêyo.
Nika-ita- ra pê ê bi vejîyo werti. Bi raştî Erdoxon zurekerîyê xo dewam biker o ya nê ker o.
Kalane ma vato, “Zureker, dişmenê Ellah o”.
Nika ra  pê ê bi vejîyo werti. Erdoxan dişmenê Ellahîy o yan nê.
La na raştî esta, Şarê Kurd zaf pîr û pak, raşto. Eynî ze Serokê Şarê Kurd.