Par qey û seba Kobanê, heminê Ewropa wiştibî ser lingan. Her welat û her bajar de şarê kurd seba Kobanê meş û mîtîng viraşti bî.
Şarê Kurd zaf bi hêrs bî. Hetta hina bi ke pîrikên 70 serrîyan vatêne, "ma wazenê şi Kobanê de şer bikeri."
Hina bi kî zereyê çend deqîqeyan de bi hezaran şarê kurd kombenê û meş viraştêne.
Şarê Kurd şew û roj hewne nêkerdêne. Zaf bengînîyêk bibî. Destê herkesî de telefonê yê bi înternetî bibî û raverşîyayîşê şerê Kobanê taqîpkerdêne. Dima ra yewbînî rê pers kerdêne û vatêne, "Raverşîyayêk newe esto?"
Ucaxî tayî Kurdî bibî, hetanê şerê Kobanê nêvatêne ma Kurdî, eyê zî vejîyayî bî meydanan. Şarê Kurd meydanan de nê şîyar û sloganî vatêne, BIJÎ BERXWEDANA KOBANÊ!
QETÎL ERDOGAN!
TERORÎST TURKÎYE!
Xora dima ra zî pêronê dinya de seba Kobanê 1’ê Mijdare de meş û mîtîngî virazîyê. Dinya de wiştibî ser lingan.
Fekê herkesî qiseyê Kobanê vejîyêne. Yew perskerdêne vatenê şima kamî, wexto ke ma vatêne ma Kurdî, înan vatenê ha Kobanê. BIJÎ KOBANÊ! VÎVA KOBANÊ!
Yane şarê kurd pê xoverdayîşê Kobanê ameyêne şinasnayîş.
Komkiştişê Engurî(Anqara) de zî eynî atmosfer esto.
Ez çend rojîya Fransa de meş û mîtîngê seba protestokerdişê komkiştişê Engurî yenî viraştiş taqîp kena.
Atmosfero kî esto eynî sey atmosferê meş ûmîtîngê Kobanê yo.
Bengînîya kî esta sey bengînîya Kobanê ya.
Hêrs eynî sey hêrsê Kobanê yo.
Şarê Kurd eynî sey par zereye çend deqîqeyan de kombeno.
Roje komkiştişe Enqere de zereye çend deqîqeyan de bi hezaran însan Parîs de Meydanê Republîc de kombi û komkiştiş protesto kerd.
Rojêk dima ra zî en tayî 20 hezar însanî Meydanê Republîc de kombîyê, meş û mîtîng ame organîzekerdiş.
Reyna rojê hîrêyîn de Evry de bi hezaran kurd û dostê kurd verê Şaredarîya Grîgny de kombi û komkiştişe Engurî protesto kerd.
Hemi cayan de eynî hêrsê par yê demê Kobanê esto. Hina aseno ke no hêrs dewambikero.
Herkesî par vatêne, "hêrîşê ser Kobanê AKP û R.Tayîp Erdoganê organîze kerdo û kenî."
Emserr zî herkes vano, "hêrîşê Engurî AKP-MÎT û R.Tayîp Erdoganê pîya organîze kerdo û kenî."
Hêdî şarê kurd û şarê bîn yê Kurdîstan û Anatolîya dişmenê xo rind naskenê.
Vanê, Qetîl dewleta.
Qetîl Erdogan!
Terorîst Turkîye!